Wednesday, December 13, 2006

غازي القصيبي

في هذا العام قرأت ثمان روايات للكاتب المبدع الدكتور غازي القصيبي
و صراحة أسميت ابنتي سلمى على اسم احدى رواياته الجميلة
***
أشكر جميع من صوّت لي كأفضل مدونة كويتية للعام 2006 و طبعا شباب الساحة و الأخ الحبيب الطارق و بقية المدونين و المدونات ما عليهم قصور
جميعهم ابدعوا في هذه السنة الحافلة بالأحداث السياسية و الاجتماعية و الرياضية و الفكاهية و هذا هو موضوعي اليوم
***
نصحني الكثير من أصدقائي بعدم خلق العداوات و عدم التعرض لبعض أصحاب المعالي و بعض التيارات المسيطرة في البلد و قالولي شلك بالدندرة و المشاكل؟
***
للأسف حاولت المشي جنب الحيط و لم أستطع , فسامحوني يالربع و أبي فزعتكم معي
***
ليتس كت ذا بول شت
بعد اعلان رئيس هيئة التطبيقي تفاجأت باعلان موظفي ادارة الاعلام في وزارة النفط
يطلبون من الوزير رفض استقالة مديرهم
***
صراحة ما ادري هالاعلانات للمدح؟
أم هي دقة وصخة من الموظفين لمديرهم حتى يطيرون عليه فرصة الاستفادة من عرض السبعمية دينار؟
***
اعلان مسخرة صراحة خاصة كلمة خبرة طويلة في المجال الاعلامي
اللي يسمع يقول مؤسس قناة الجزيرة

شدعوة انتوا مقصرين الحين؟

جعفر رجب

أحد الكتاب الذين يلهموني بمواضيعهم و كنت فترة من الفترات أتحرش فيه بالايميل

المشكلة انه يكتب بالراي العام و ضاغط جريدته

خو قاعدين بالغرفة اللي يمك, كلمهم

المواطن مثّال المطيري

أحد دعاة التسامح الديني و التواصل الحضاري بين الأديان

وجد على سجادته عدة رسمات اذا جمعتهم و كنت ماكل كباب ايراني و شارب فوقه لبن و دققت على الرسمات عدل راح تكتشف انها تشبه البوذا

و يقول المواطن المتسامح ان هذه السجادة تسيء الى الاسلام و يتساءل

عن كيفية تهريبها للكويت بعيدا عن أنظار أسود جمارك الكويت و وزارة التجارة؟

نحن معك يا أخ مثّال, هذي فيها استجواب دسم لوزير التجارة,بس وزير الداخلية نسامحه لانه شيخ

شرايك؟

الخبر مسخرة الصراحة

ناظرة تبيع ديودرنت بو بودرة بامية فلس؟

حرام عليكم يا بنات, تعطّرن , تخنّنن, تريّحن

ليش تسوون جذي بناظرتكم المربية الفاضلة؟

يا معودين خل يفحصون البودرة لايكون هيروين

خوش اعلان

يقولون التأمين على الحياة مو صعب

أكيد مو صعب, انت تموت و زوجتك و نسايبك ياخذون الفلوس

مافيش أسهل من كده

يقولون الكويت ضيقة خلق

انا عندي الكويت أم الوناسة

بس تقعد الصبح و تقرأ الجرايد تنبسط

مرة مزاد باجه و كرشه , و مره مزاد لعبة الصاروخ

عاد تدرون , اكو وزير سياحي محتاج هاللعبة هالأيام

تبون ايميله؟

الله يجازي اللي كان السبب

لا تعليق

اهداء الى شروق و عالية و حنان

أعتقد هذا أكثر بوست استعملت فيه الهايبر لنك


32 comments:

Q8Maverick said...

Vintage KM...
احباط تهريب أقراص مدمجة!! طيب و اللي في شارع بن خلدون..شيلمهن؟

على طاري الشنط النسائية.. متى يطلع الحكم في طعن باسل الراشد؟

Malgof said...

الاخ (تمثال) المطيري !! شلون جكيت البوذه ؟
صج عين ثاقبه .. مشالله عليك
ولا اسد حولي

Krakatoa said...

بالنسبة للطلبة ماتبون تدرسون انتو الخاسرين محد بيقطن بمكانه ويطلع فاشل الا انتو..!!

==
بالنسبة للسجاده اعتقد انها تندرج تحت اعلانات كوكا كولا وستاربكس وبيبسي الخ

==
بالنسبة لديودرنت...اعتقد النظاره فيها حساسة من ريحة الدلاديغ الانثوي وقالت بتسوي خير..ولا يمكن مطلعه خلطه يديده بتجربها بنات المدرسه..

==
هاف أ نايس ويك اند

Mowgli said...

إنزين انا بعلق على الموضوع السابق يصير؟

I just wanted to say that i think QUESTION 9 should be the first question.

and now to this post.

HAHAHAHAH

:P that was a fake laugh though...

بوصالح said...

مطقوق ... موضوعك عجيب ... شرايك نشتري اللعبة و نعطيها الوزير السياحي .. بس وين يحطها ؟! بحديقة بيتهم :)

Thalamu Eddeen said...

صج ناس فاضيه
لكن زين اللي تسويه فيهم
مر علينا يا الحبيب
وعطنا تعليق يديد
موضوع الدين فار روس ناس وايدين هالايام

neelaah said...

انا موتني من الضحك خبر الناظرة
وصراحه تعاطفت معاها
من كثر الخيسه يابت حق البنات شبه

و باعته بسعر التكلفه

الله يا انا فيني لقافه
ودي اروح اسوي تحقيق في المدرس
قبل و بعد الشبه
اشوف خطة الناظره انجحت و الا لأ

خوش بوست

{ 13 } said...

وأخيرااااااااااا اذا ضغطت على الكلمات الملونه يطلع لي لنك ..مو مثل قبل تكتب بعشرين لون وأقعد أطقطق ..الكتابة الالكترونية ميزتها اللنكات ..خذ مخي في جولة سياحية ..
:-p
تعليقي الوحيد والذي هو عن موضوع غير كويتي (نغزة مباشرة )الاخ المتيري اقوله نووو رؤيتك البصريه خانتك ..لان لو كان طالع الرسمة بزاوية 88 شمالا وشارب ريد بول ويا لبن كان لاحظ ان الرسمة تشبه نفس بتوع حضارة الإنكا الي في جنوب امريكا لاني جربت وشفت ..

ORACLE said...

مطقوق
أفصل مدونه كويتيه لعام 2006 بحاجه الى نيو لوك اعتبارا من 2007
بالتوفيق

mishari said...

ما ادرى ليش طرى على بالى ذاك اليوم اسولف حق الربع اقولهم لو بيل غيتس ايى الكويت ويدش شارع بن خلدون ويشوف النسخ على البرامج النارية مالت شركته يمكن يجلط :)))

بس شوف عزيزي
مو باطين جبدى ولا غاثينيى الا هالطلبة اللى كل واحد فيهم لو اصفقه طراق اطشر منه عشرة
يلوعون الجبد المشكلة ان مراهقينا اتفه مراهقين فى الوطن العربى كله ماكو هدف جنهم لبنانين قلة قليلة اللى تحصل فيهم زينين

الباجى مانى معلق عليه بس اذا حصلتك جنطه من هذيل غلفها وعطنى اياها اهديها حق مرتى اقولها مشتريها لج من الصالحية :)))

BlogLess said...

"حضرة الناظرة والبودرة "

يصلح اسم فيلم !!

بس ليش كل هالهجوم على الناظرة
يمكن فاحت ريحة البنات
وقالت أحسن حل : بودرة المسك !!

يا مسك يا عنبر يا انتا

Bo Jaij said...

All I see on that carpet is Donkey Kong from the old classic game of the same name

I'm typing my comment in English so I can be accepted into the "Chicken Nugget" community. You never know I might get invited to a Xmas party or even better the New years eve deodorant-free orgy.

LaiaLy_q8 said...

LoooooooooooL
lala mashallah 3laik 100% creative

P.S. Tucson say's Hi :p

dilli o milli said...

ما شاء الله عليك يا مطقوق !!! يوبه خل مرتك تاخذ فلوس التأمين ... خو أنت رايح لحور العين حاسدها على جم فلس !! ألا عاد اذا قضبت الياده الثانيه
:)

Shopaholic Q8eya said...

أحلى شي ناظرةالمدرسة
من صجهم الناس؟
LOL
Dude you seriously made my day heheh

Jewaira said...

You should be making money off your site...very witty indeed

tweety said...

لووووول

أمبي الناظرة مسكينة الظاهر اختنقت من الريحة , ياناس عاد أكو أحد ليلحين ما يعرف الديودرنت !!!؟
----------

هالاعتصامات والمظاهرات صارت على أقل شي ياخوفي باجر نلقى السواق والفلبن بعد متظاهرين !

-------------

أحلى شي لعبة الصاروخ ..ما اهقى ناقصنا صواريخ بالديرة !

kila ma6goog said...

السلام عليكم

الخارق
طلع و خلص, مافيش فايدة

ملقوف
هذي نتيجة سيادات
made in china

كركوتا
و نايك بعد

عاد مساكين نايك اعتذروا, خذونا على قد عقولنا

موجلي
5-0

أبا صالح
يحطها بالتل السياحي:)

ذلام الدين
موضوعكم يخرع الصراحة يعني ما احب ادش بهالتفاصيل, انا خواف

و بعدين شنو اسمك بالعربي؟

نيلة
مشكلة الناظرة لي صار مخها تجاري

لووول بتسدد قرض البيت على ظهر البنات

13.5
الكلمات الملونة هي التي احب ان يركز عليها القاريء

أوركل
على ايدك يا معود, ترى حدي غشيم بهالسوالف, صارلي سنة بحط دعاية ماني عارف

مشاري
لوول

غيّر دائرتك الانتخابية لي الجابرية و انت تحصل الجنطة ببلاش و فوقها خمسمية

بجاسوس
من خلال التجارب السابقة في مدارس الحكومة اعتقد انها جربت تدش التجارة عن طريق البودرة

الظاهر بتعوض خسارة البورصة

بو جيج
take me with u:)

ليالي
قلبي يعورني من طاري توسان

لي فيها ذكريات لا تنسى

لا زلت أذكر أول يوم طبيت فيها و آخر يوم طلعت منها و كأنها أمس, بالتفاصيل

جلين
سبيدواي
برودواي
أوركل
آينا
فورتلويل
ساينت ماري
كامبل

استمتعي فيها كثر ما تقدرين قبل لا تردين الكويت

دلي و ملي
مشكلة اني مو ضامن

لول

المتسوقة المهووسة الكويتية
حلوة الترجمة

أول كانت الناظرة تحتكر المقصف و تطلع فلوس منه , الحين المقصف ما قام يوفي, لازم تنوع مصادر الدخل

جويرة
على ايدك , هالموضوع شاغلني و يؤرق منامي

صاير مادي

تويتي
الفلبن؟

ما سمعتي ان بيوحدون معاشاتهم و أقل شي ياخذون 400 دولار؟

شكريا

Shopaholic Q8eya said...

"المتسوقة المهووسة الكويتية"
LOL OMG I think I'm getting fired for laughing out that loud.

Brava Valentia said...

مبروك...ويتربى ببوستاتك انشاءالله


غازي القصيبي.... نهاية مراهقتي و بداية نضجي

*sigh*

lawyer said...

هههههههههه

مت ضحك على سالفه الناظره
تعطرن

تسنعن تنظفن

مطقووووووووق
من وين اتييب هالحركات

احس بعد فتره بيكبر عندك البلوج و بتحط قسم ارشيف

lawyer said...

نسيت اقولك اني هالسنه في الصيف استمتعت جدا في السفر في قرائه روايه سبعه لغازي القصيبي

Alia said...

غازي القصيبي مو وايد تعجبني رواياته
ولما قابلته شخصيا طاح من عيني أكثر

وبعدين ليش كل ما صار شي عند مجلس الأمة بلشوا نبيها خمسة .. هذي يزاتنا خلينا الناس تعرف تتكلم وتعبر عن رايها؟؟

مطقوق .. إنت لو تدقق راح تشوف بوذا
استغفر الله

مزيل العرق ... لا يطلع انثراكس بس

وأخيرا .. لعبة رحلة الصاروخ .. عادي يحطونها بشوبيز الجديد

وشكرا جزيلا على الإهداء .. بس مو زين شذي عليك .. لا تظلم الريال .. جناطه كانوا أصليين .. الوحدة ب800 دينار حسب مصادر مقربة جدا منه

Alia said...

q8mavrick

الحكم المفروض يطلع تاريخ 22 ديسمبر

بوصالح said...

التل السياحي ... خذوا منه

روايات غازي القصيبي جميلة .. من الادباء القلائل الخليجين المقروء لهم فعلاً

مطقوق .. بالفعل أنت أفضل مدون

متفرغ said...

لوووووووووول .... انصح الناظرة تيي لندن و تحل مشكلة الريحة الخايسة في قطارات الانفاق و الباصات .... سالفة البوذا للحين مب قادر ابلعها شلون صاد البوذا؟ ..... يعطيك العافية على هالبوست :)

kila ma6goog said...

السلام

المتسوقة
دوام يوم الجمعة؟

بارك الله فيك

مذر
يعني انا الحين مراهق و الا ناضج؟

لوير
7 جميلة جدا , و احلى ما فيه ان تحسين انها تجارب شخصية

عاليه
لحظة لحظة لحظة

ليش ما تحبين القصيبي؟

بو صالح
مشكور حبيبي و لو اني لا أؤمن بكلمة الأفضل و الأحلى و الأقوى لأن الناس أذواق و اكيد كل شخص يرى الأفضل من منظوره الخاص

بالنسبة للمنافسة اعتقد ان ساحة الصفاة رغم انها ليس الأنشط الا اننا لا نستطيع بخس حقهم بلقب المدونة الأكثر تأثيرا بلا منازع, فقد نقلت عالم المدونات الى تغيير حقيقي في البلد

أيضا قبل فترة كان للأخ بو جيج و الشباب دور حلو في رمضان اللي قبل اللي فات في حملة ضد الأعمال الرمضانية العنصرية مثل سوالف داود حسين و ولد الديرة

و بيني و بينك حاس انك ما راح تعديها على خير و ايضا ناوي تنقل نشاطك من عالم المدونات الى الطبيعة

بالنسبة للأخ الطارق فقد تشرفت بمعرفته بحملة نبيها خمسة و يتميز بالهدوء و التواضع و الوجه السموح البشوش لكني صراحة لم اتابع مدونته لقلة نشاطه في المدونة

و الشكر

متفرغ
حبيبي والله مشكور و شلون صاد البوذ هذي قصة

أحيانا تصل درجة البراين واش أو غسيل المخ الى مرحلة تجعلك ترى البوذا قبل لا تشوف السجادة

يعني ترى كل ما حولك بالشكل اللي تبيه و اللي اهو فيه اساءة لدينك

مشكورين يا حلوين و صراحة انا مفلس الآن و ما عندي شي اكتبه
متفرغ

afyaa2 said...

((غازي القصيبي )) كتاباته مبدعه وعميقه .. لم اقرا له الا بعض المقالات المتفرقه لكني من المعجبين بكتاباته ..
الاخ المطيري ..
اغبطه ع خشوعه بالصلاة الللي اكتشف صورة البوذه من خلاله ..
الناظره ..
ما الومها كثر ماتشم من روايح يكسرون الخاطر المدرسات والناظرات من كثر ما يشمون روايح من الطالبات ع مختلف المراحل اعتقد يوم بطالبون بدل ريحه ..:(

بوصالح said...

مطقوق .. ما راح أعديها على خير .. لكن صدقني ستكون منكم أنتم. أنتم الشباب الواعد ...

الهدف هو التوهية ... لا اكثر و لا أقل

بالنسبة لساحة الصفاة مع إحترامي للقائمين عليها ... كانت النزعة الشخصية خصوصاً موضوع صورة الجريدة حيث كانت روعة الحملة بسريت القائمين عليها .. حتى لا نشعر بانه هناك بعد شخصي ... للأسف كلما يدخل موضوع البعد الشخصي .. ينتهي العمل الوطني الجميل و يبدأ التنافس الشخصي .. و هذا الشي مضيعنا

التفرغ شي حلو ... الجو يلعب دور

Alia said...

مطقوق

ما أدري ما أشوف برواياته زود

3abeer said...

الناظره وعلييه يكون بتسوي بزنس.. ردت عليها عايدي

أنا أقول تسوي أشغال يدويه وتبيعهم مثل ما هابين المدرسات هالأيام

يا ترى ليش بودر الديودرنت؟؟ يعني إهي اللي مسويه الخلطه؟ والله كمست الوليه

Almas said...

جميل جدا الإهتمام بالكتابات الأدبية
وبنيتك سلمى الله يخليها لك .. يعجبني المبدأ بالحياة دون النظر لمن هم في حولنا إذا كان عاجبني شئ وأقرنه بأسناء عيالي برأيي شي حلو
أنصحك تقرأ لجبران خليل جبران كتاباته رائعة وخصوصا موضوع " يوم مولدي" عجييييييييييييييب