Thursday, January 11, 2007

ماكو شغل

صراحة ما عندي شي أكتبه
و كالعادة في هذه الحالات أحاول تضييع الوقت ببعض الصور
***
تم التقاط هذه الصور في
مكة المكرمة
في حالة عدم ايجادكم الصور مسلية
أرجو اعادة النظر و التعاطف معي قليلا

مشكلة اللي مسوي تنزيلات و مو عارف شلون يقولها

يبا قول مسوي تنزيلات و فكنا

احذر و اطمئن شحقه؟

شدعوة هارفي نيكولز

مادري فهمتوا الصورة و الا أحتاج أشرح؟

اللي فهم تمام, و اللي ما فهم

الصورة عبارة عن وحدة شايلة كيس عليه صورة

بنكه و حاطته فوق راسها يعني البنكه تبرد عليها

و الحلو ان شخباري بنكه باناسونك!

صديقي في هذه السفرة كان هذا المصباح

أنصح الجميع بشرائه

من أحلى الصور

التقطتها في الطريق من مكة الى منى

و لاحظوا ان الكثير من الناس مفترشين

الرصيف و نايمين بالشارع

و هذه أحد الأسباب الرئيسية للزحمة

نتمنى ما نشوف هالظاهرة في المستقبل

محلات بدون اسم

أول ما شفته عبالي محل طايح حظه من اسمه

بس اكتشفت انه منتشر هناك و له قاعدة جماهيرية تنافس

فيلا مودا

ودي أصدق بس قوية


توقفنا في أحد المساجد للصلاة

و تفاجأت بهالبوستر معلق

علامات الكاهن و الساحر

طيب الساحر نعرفه بس الكاهن من وين نييبه؟

كل واحد يجيّك على روحه و يتأكد انه ما فيه هالعلامات

فندقنا كلش ما كانوا حرامية

يحاسبونك عالجملة

يعني أحسنلك تكتب بدون نقاط و فواصل

ظاهرة لفتت نظري

و هي أن الشباب الكويتي يميل الى لبس البنجابي في الحج

مادري من وين يايبين هالفنتق

لم أستغرب من مواقف معظم الدول

على اعدام صدام

لكني شعرت بالخجل و القرف عند

مقارنتي لموقف الكويت مع موقف اسرائيل

سياسة خارجية طيط ب طيط

31 comments:

amal said...

شسالفة البنجابي؟!!
حتى أنا لفت نظري,,

عاد أشمعنه أفغنة؟!
ليش مو بكستنة؟!

تحسفت ما خذيت كاميرتي وياي,,
طابت ليلتك

:)

fa60om said...

بنجابي

لوووووووووول توني ادري لوووول

خوووش بلوق خفيف عالقلب

Abdullah Al-Kandari said...

lol

الظاهره هذه انا هاب فيها من زمان
الأفغنه على قولتك

بس يعني عادي تمشي عالكويتيين اني افغاني او باكستاني

:>

شكرا عالموضوع الخفيف

nEo said...

تعليقي على موضوع صدام و موقف الكويت


اعتقد بأن موقف الكويت مشرف و صادق بدون اي مجاملة و اعتقد ان لو موقفنا متطابق مع اسرائيل هم مافيه مشكلة


يا حلوها اسرائيل جدام الجرب ربعنا


شوف مقاطع من اجتماع جامعة الهيلق عام 90

http://www.youtube.com/watch?v=P5B_PAk1rmc

Almas said...

الحمدلله إن مو بس آنا أقول مصطلح بنكة .. لأنه مصطلح قديم على حد قول الناس .. المهم الله يهديها شلون فكرت؟؟!! يعني شلون بتركبها!! عاللأقل لوماخذة الوقافية أهون الواحد ممكن يقتنع .. بس هالبنكة .. الشغلة مو داشة مخي
البنجابي إلي لما أشوفه بالشارع عالبنايين يخرعني وبصراحة أخاف من منظره .. ومادري ليش الناس في بعض المواقع تهمل شكلها ولبسها مو لهالدرجة عاد...
صورة المصباح والمصحف بدون مجاملة .. انت فنان تصوير الصورة رااااائعة جدا ووايد وايد عجبتني (ماشالله عليك)فنان
عيل شتقول عن محل اسمه "بابا فين" ذاكر هبة هالأغنية
أعتقد إلي مسمي محل بدون اسم يمكن حزتها جبده لايعة وإن الله قسم لي ورحت الحج السنة الياية (قول انشالله)
وصرت حجية لك علي أييبلك منه صوغة شرااايك

ORACLE said...

لبس الدشداشه يقيد حرية الحركة وهو غير عملي خلال موسم الحج لسهولة اتساخها بسبب كثرة الزحام والعرق والتلوث
اللبس البنجابي كان يمثل أحد البدائل عن لبس الدشداشه لرخص ثمنه وعدم الحاجة لغسله حيث يتم التخلص منه بعد عدة أيام من الأستعمال . ويلاحظ حالياأن الكثير من الشباب الكويتي أصبحوا يميلون للبس التريننج سوت والكاجول لسهولة الحركة
واللي يعيش يا ما يشوف

lawyer said...

بصراحه الصور خفيفه

مرات الصور احلى من اي شي ثاني

خيولي صداااااااام
راح عند يحاسبه و رب عادل

يعرف ياخذ حق برئي منه

بنت الشامية said...

الصور روعة بس ام البنكه عجيبة ضحكتني وايد ما قصرت

اما عن البنجابي فهو زي اسلامي لان كل شئ ايي من افغانستان فهو اسلامي

بس الي يلبس الترنج سوت فهو غربي وهذه بدعة

طبعا هذا مو رائيي ولا راي الكثيرين منا

{ 13 } said...

سياسة خارجية طيط بطييط ..لووووووووووووول...

بس معقوله كاميرتك مالقطت حلومه بولنط ..تتمشى هني ولا هناك ..انت كنت رايح مع حملة ماليزيا؟؟لوووول

دلوووع مكة ..انا اذا قريت كلمة دلوعة في اي مكان السالفة تكون طبيعيه ..بس اذا قريت كلمة دلوع ..امممم؟ وبعدين مكة ودلوع ؟ كلششش مايركبون ..هذي فيها رمي من فوق جبل ..لووووووووووول

مكة المكرمة لا تختلف عن اي مدينة عربية ..فيها مافيها من .. انظمة متخبطة وقوانين ورقية .. ..

الناس الي نايمه على الشارع جايين لوحدهم وتلاقيهم يمكن جايين مشي ..وفي المقابل تلاقي ابراج سكنية وفنادق خمس نجوم مع ان كل معنى التواجد في مكة هو ان الناس تتبسط وتقلل من تعلقها بالامور الدنيوية

مافتحوا ماكدونالدز ؟:-p

تجربتي في الحج لم تكن " لتيفة " فالواقع اختلف عن ماكان في الخيال ..

انشاءالله احج عما قريب واحاول ان لاارى سوى الجانب الافضل ..

Krakatoa said...

هاه ما اسمع ..شتقول؟؟

سياسية خارجية..وينها انت شايفها؟؟

maci said...

almas..
lesh shno ako kelma '3er banka? ako a7ad ygol merwa7a? lol!! a7es'ha weird!! 6ol 3umrha banka!

tkfa mn 9ejhm 3al banjabi? leesh!!

kila ma6goog said...

السلام

أمل
بكستنة أثقل عاللسان

فطوم
ثانك يو

عبدالله
اي شنو سببها؟ و ليش تنتشر بالحج؟

نيو
كده انا حزعل منك

وين موقفنا مشرف؟ الريال قط على اسرائيل خمس صواريخ شوف شنو قالوا

احنا غزانا و شرد شعبنا و قتّل عيالنا و أسر 600 واحد من عندنا و دفنهم بمقابر جماعية ما نقدر نعرفهم الا بالدي أن أي و نقول شأن عراقي؟

اللي ماتوا عراقيين؟

أصلا هالكلمة تنفهم ان الكويت بكبرها محافظة عراقية اذا الأخ يقولي شأن عراقي

الكويت كويتية و لذلك من يغزوها و من يقتل أبناءها و الحين ينعدم هذا شأن كويتي و الف كويتي

أه ياني

ألماس
البنكه ككلمة ما انقرضت بس البنكه نفسها انقرضت , منو ليلحين يستعمل بنكه؟

أوركل
انا شخصيا البس نايكي

بو كبوس مثل اللي بالصورة

المحامية
لعنة الله عليه و على اللي يزعل عشانه

بنت الشامية

كراكوتا
انا بطلع بفنتق يديد, بنجابي أديداس

نرضي الطرفين

13
في ماكدونالد

و بالأصح فاتحين مول كبير جدا قبال الحرم, فيه معظم محلات الشايع و امريكانا و ستاربكس و هارديز و كنتاكي و كل ما تتمناه

كراكوتا
المشكلة لو يسكتون وايد أرحم

يعني اسكت و لا انك تتحجى و تفشلنا

ماكي
عاد واحد منهم ولد خالي

لول

Krakatoa said...

بس للتذكير ولدي العود..اول كلمة قالها..قبل ماما وبابا

بنكه..!!

mishari said...

البنجابى من زماااااااان يلبسون بالحج وفوائده
1-ما ايوون يطرون منك :P
2- مريج جدا جدا

3- تغير يا اخى من الدشداشة

موقف الكويت من صدام خطأ
لا اعتقد ان شأن داخلى لان احنا لازم نكون مشاركين بحكم الاعدام

حسام بن ضرار said...

صور عجيييييييييييبه
صيدات حلوة


ولا سالفة
دلوع مكة


:) :) :)

Bo Jaij said...

دلوع مكة أقوى جرافيتى بالعالم و أكثرها تحدى


كلمة دلوع لوحدها فيها جهنم و (شوى) على الفحم مع صوص باربكيو


إللى كاتبه قد يكون صاحب أخف دم بالسعودية أو صج مايع و يتدلع أكثر من حلومة بولند يوم حذفت الجمرات....بعد جمعها للجمرات بملقط حواجب... وتنظيفها كل جمرة بممحارم تنظيف الوجه وثم تبييضها ببودرة الفاونديشن للبشرة وتلوين كل جمرة بصبغ أظافر ماركة فاخرة ...و اللمسة الأخيرة رشها بعطرها الجديد اللى يحمل إسمها قبل وضعها فى ظرف وردى ناعم مع صورة لحلومة و هى بالحجاب



الظرف مكتوب عليه (حق الشيتان المليق)


رائحة العطر لوحدها قد

Bo Jaij said...

تدمر عالم الجن بأكمله مو بس أتدوخ الشيتان

Alia said...

بدون اسم .. مو خوش محل
صج عنده ماركات .. بس طريقة العرض وديكور المحل ما يوحي كلش

وينه ووين فيلا مودا؟؟

Brava Valentia said...

Ya roo7y ana 3la dalloo3 Makkah ;-p

w 3ala 6ary saddam, khalhum yiwalwiloon leey bacher...3ala golat inijada "mahub harj?"

charisma said...

مت من الضحك على المره الى حاطه الجيس فوق راسها
بس مو معقوله عشان البنكه
:))
فى ناس جذى

وسالفة محل بدون اسم وايد سامعه فييه
وصااج وايد مشهور

اما موضوع الشباب الكويتى والبنجابى

فا اقولك
لووووووووووووووووووووووووووول
عيال خالتى رايحيين الحج شباب على الرصيف وكلللللللللللهم فصلوا بنجابيات
:))))))))
ما ادرى شهالهبه
يقولون اريح بالتنقل

عسى ما تنتقل العدوا ويحوسون علينه بالديره بالبنجابيات بدال الدشداشه على بو هبه

عساها على خير بس
:))

`7oosh post m6goog

kuwait said...

أختيارات وكتابات شيقه

نتابعك دائماً كن بخير

زائره دائمه

BLaSha said...

cool pictures, very intresting ba3ad :D

Swair. said...

hehehehehehe 3ajeebeeeen the pics.. ya36eek el 3afya 7aji :D

Shopaholic Q8eya said...

Don't they have "Bedoon Esm" in Kuwait? I thought it's one of those places in the supermarkets where they sell crapy bags and stuff!

bazoon said...

مطقوق ,,

من زمان ما مريت وعلقت تقبل الله طاعتك وكالعادة الصور حلوة :-))))

عندي تعليق واحد بس عن صدام موقف الكويتي سليم وصحيح لان الاعدام توقيتة جداااااا غلط ؟؟

دمت بخير

L'encre la Rouge said...

taqabal allah 7aji,, do you feel new?


Bedoon esm is a very good shelaat o 3eby shop we have one in alman9oreya Co-op but it sells bags and stuff.

متفرغ said...

على طاري محل التنزيلات حتى رامز (محل يبيع اشياء رخصية فالبحرين ) ما سواها ..... المسابيح في مكة غير شكل عاد حاسب من اللي ايي و يقول لك المسباح كهرمان و ب 100 ريال مقصة على خلق الله ..... اللي ينامون في الشوارع اهون من اليهال اللي ينهدون عليك بالكلنكس .... بدون اسم ما تعب نفسه بالتسمية .... 3 ريال على كل جملة شدعوة درر ... تسلم على هالبوست :)

kila ma6goog said...

السلام

كراكوتا
الله يخليلك اياه

السؤال هل كان قاصدها؟

مشاري
افحمتني الصراحة برقم واحد

فعلا خوش تمويه

بن ضرار
دلوع مكة سوالي ربكة خلال السفرة:)

أبا جيج
شوف انا توني ياي من الحج و ما اكذب

والله كل ما اشوف زرف حملة حسين ملك اقعد اطالع اقول جنه هاذي؟ لا يمكن هاذي؟

بقمة الزحمة و الجمرات و انا همي الوحيد اني اشوفها, مو عن شي بس حب فضول عشان لا يقولون مغازلجي

عاليا
خو فلا مودا يقولون اييب تقليد

صج؟

مذر
خل يلحقونه لي جهنم يهتفوله بالروح و الدم نفديك يا صدام

العن ابوكم أي روح و دم الريال مات

كاريزما
على فكرة حملات الرصيف لا رصيف و لا بطيخ

بس جذي يسمون روحهم و الا ساكنين بسكن أحسن منه

مقهورة
مشكورة يا مقهورة و انشاءالله ما نكون سبب في زيادة القهر

بلاشه
which one ?

للبيع

سوير
ثانك يو

المتسوقة
أثبتي انك فعلا متسوقة مهووسة

حتى الجمعيات مشطبة عليهم؟

بزززون
و الله توقيت الاعدام ماكو احلى منه

تونا رادين من منى و قاطين الاحرامات و نشوف هالمجرم ينعدم و هالعربان ينابحون و يبجون

شخصيا اشوف التوقيت مناسب و لو يقدرون يعدمونه اكثر من مره هم ما عندي مانع

بيزا لبك
i dont feel new el 9ara7a

madry if this is bad or good?

متفرغ
على طاري المسابيح شريت 6 قحافي الوحدة بثلاثة ريال, يعني ربع دينار بالكويت

جان ينط رفيجي , حرام عليك غالي , عند الحرم ارخص و ليش ما ليش , جان سألتني

قتله كلها دينار و نص لو احرقهم الحين هم مو خسارة

يا كره اللي يكاسر على شي ما يسوا

LaiaLy_q8 said...

"طيط ب طيط" ashwaa entaa gitl-haa mo ana ... because enzafait leen gitl=haa :p

Sheba said...

hmm so you were against the hanging of saddam?

zGrt-Q8 said...

أحم أحم

أول شي السلآم عليكم

البلوق روووعه

والموآضيع حلوه وجريئه

أنآ كويتي <- يعني جآي افسر البنجآبي xD

شوف بقولك

اول شي كنت استغرب لمآ اشوف البنجآبي بالاسآس وأقول شلون يلبسونه

بس تبين لي انه عملي لأبعد حد

أعطيك مثآل

أنآ عندي خيل

كل يوم اركب الخيل وأطلع فيه 19 كيلو مآرآثون

يآخي الثوب يضآيق

كل مآ اربطه على خصري يفلت ويجي على ركبتي ويضآيقني

واوقف وأربطه

مرآت افكر أشيله

بس بعد مآ قآلولي البس بنجآب

طحت فيهم تنكيت جيبت فيهم ضرآفة المصآروه وملآغة المحشش

المهم بعدين لبسته <- يعني رضيت بالأمر الوآقع

وصج اني تحملت نكت كثيره

مثل (بيآ تعآل او بنقلآآآآ أو صديق أو رفيق أو أبو ذرآيه)

يعني أكلتهآ مبلله مرق

بس خلنآ نكون وآقعيين

البنجآبي عملي وخفيف

بس ترى مو بكل مكآن ألبسه

بس بالمخيم


.............,,,,,,,,,,,...........

أمآ الكويت واسرآئيل مآلهآ دآعي

يعني شنو تبونى نقول

أعدموه ؟؟؟

ولا نقول هذآ العدل ؟؟؟

تدرون أن بين الكويت والعرىق مآضي أسود ونبي ننسآه

أنى مخيمي شمآل الكويت وأشوف بطريقي وانآ رآيحله أن الحدود مفوتحه وليل ونهآر التريلآت موديه بضآئع آخر موديل

أجهزه كهربآئيه وسيآرآت ووووو إلخ

ولآتنسآ أن فيه نآس عندنى تعذبو من موضوع الاسرى الكويتيين اللي للحين مآيعرفون وين جثثهم

ولآ تتوقع أنهم قآلو خلآص طآح الحطب

عسآني كنت مفيد بالنقآط المهمه

تحيآتي لكم

أحمد الحربي