Tuesday, March 06, 2007

محّد دق؟

مشكلة لمن الواحد يضطر يسافر سياحة في هذا التوقيت الحرج

صج اني مسافر و بعيد و مو قادر اتابع تفاصيل اللي حاصل بالديرة بس تلفوني فيه جوال, و رقمي معروف عند رئيس الوزراء, و بلوقي معروف عند الجهات المختصة, فالسؤال اللي يطرح نفسه

ليش ليلحين محّد دق؟

ليش ما دقوا؟ تلفوني و تلفون زوجتي و تلفون مديرة بيتي مبطلين و قاعد مجابلهم جوود يدق؟ عسى ما شر؟ وين الوعود؟ وين العهود؟ وين الكلام اللي قلناه؟ وين الغرام اللي عشناه؟

صارلي سنة و انا أكتب و مسوي روحي وطني و اصلاحي و ما أتحرش بأصحاب السمو و العلالي علبو انه ياخذوني وزير و للأسف الى الآن ماميش

عموما ما بيدنا شي غير الانتظار و الله يخليكم اذا تعرفون سعادة الريّس وصّوه علي

عموما بما اني بعيد و شايف الساحة تغلي قلت أحط بوست ماله شغل بالسالفة

بنك برقان, كلكم تعرفونه؟

اكتشفت مؤخرا أن الطوابق الأخيرة من البنك تحولت الى نادي للنخبة أو كما يسمونه
Chairman Club

و يحتوي هذا النادي على مطعم و سبا و لاونج و غرفة سيجار و أشياء ثانية ما قدرت أشوفها, كنت أحد المحظوظين اللي حصلوا دعوة من أحد أعضاء النادي اللي عزمنا على الغدا و تمكنت من تصوير بعض المناظر لمدينة الكويت

Enjoy














على فكرة, عضوية النادي يقال انها تتجاوز الثلاثة آلاف دينار بالسنة



21 comments:

KuwaitVoice said...

Google Earth

مو كله مطقوق ..

صور ممتازه

وأهم شي سطح البنك الوطني ;)

شنو ناوي اتبوق البنك ؟؟


بس 3000 العضوية ؟؟؟

queenB said...

Dear,kila Ma6goog don`t worry.i think will establish new Wazzarh for u.and prime MInister know u are out of kuwait.he wait till u back ,also i think prime minister waiting till u back to make sure u understand the system .stay couple months,and don`t think u are red line.see nothing.don`t worry i`m sure al-shiekh Ahmed fahed will call u!!!

bo9ali7 said...

بو سلمى انسى الوزارة
امس زالق لك واير موطبيعي
.
.
والله طلعت واصل

queenB said...

hey,forgot to say be careful when u drive from right side.remember u are not postman.!(got it) wish u safe trip

فركاش said...

kila ma6goog:
ئي انا سامع عنه من قبل فترة
انا قالولي انه في مشروب و كان بغيت الصج ليش لأ شوف منو صاحب برقان
عاد صج في و لا لأ؟؟
شوقتني على السيجار انا اموت عليه ;p

mishari said...

دشيت المبنى من قبل
وبينى وبينك فشخرة على الفاضى
والعضوية تصير بالاختيار

يعنى الشغلة برستيج اكثر من اهيا شئ ثانى

موضوع حلو :)

mishari said...

وبعدين يا اخى انا اولى منك يدقون على :p
انتى حرشى
انا ريال مسالم واكبت رومانسية وحب
يدقون على احسن

bunaz said...

عمره ثمانية وعشرين ويبي يصير وزير

شخليتولنا احنا اللي صكينا ستة وثلاثين؟

حلوه جوجل إيرث يافويس :)

{ 13 } said...

أحمد الفهد رئيس الوزراء ..XP
ماعلينا
طيب من سطح بيتكم ايش نشوف ؟؟
..مستر مكفوخ ..قرأت في بعض المدونات ان في برنامج عن الاخوة المدونيين..أعتقد في قناة الراي ..؟ فياريت تعلن بالضبط في اي يوم وساعة ولو ممكن إعادة ..سيتم اذاعته ..وارجو التأكد مو مثل برنامج الجزيرة للنفيسي ..احممم..طبعا الوحيدين الي موجودين في البرنامج واعرفهم هم شروق والاخ محمد من البحرين بس ما اعتقد انهم بيعلنون عن البرنامج وهم فيه ...؟؟؟؟ ولا ..؟..المهم مدونتك صارت عندي مثل جريدة الكترونية يومية ..خاصة وان اغلب الي اقراهم حاط لنكاتهم ..بس ناقص كم مدونة ..ماتعرف دودو؟؟
وشكرا كثيرا
...

متفرغ said...

ما عليه كي ام الجايات اكثر من الرايحات بس قول لي كنت حاط عينك على اي وزارة ..... تصلح لك وزارة الاعلام ..... تسلم على هالصور .... مثل ما قال كويت فويس بس 3000 العضوية ؟:)

الحجيه said...

السلام عليكم جميعا
كل مطقوق عسى تلفونك ما يرن لان العمل السياسي هذه الأيام أصبح بهذله ومهزلة بقياده النواب البواسل ينطبق عليهم المثل ألي يقول

الناس أجناس ناس فضه وناس نحاس وناس ذهب ماله قياس وناس لؤلؤ والماس وناس أوناس وناس لأناس ولا أوناس وناس كناس وناس وسواس خناس يسعوا في الفتنه بين الناس ويستأهلوا الضرب بمهراس

ومثل ثاني يحاسبوا اللي ذبح وينسوا اللي سلخ

كل مطقوق مسوي روحك وطني !!! :)
تجري جري الوحوش غير رزقك ما تحوش

Almas said...

قوة

إنت شلاعي .. الله يهديك على أولك سافرت
.. كنت صبرت شوي .. يالله ما عليه خيرها بغيرها

Enjoy your trip

Hope to u the best

Thanks

forzaq8 said...

و الله ما يندرى عنك

طالع بالتلفزيون
و كل شوى مسافر
شكلك انت عضو فى النادى و مسوى روحك فقير و مسكين

Zaydoun said...

KM

صج أخبارك بايتة.. النادي صار له تقريباً سنتين، وأحلى شي فيه غرفة السينما الخاصة

Ra-1 said...

خوش مكان حق التصوير من فوق :)
I see my office in the last pic :p

expired said...

مطقوق
فعلا النادي قديم وعضويته تصلح فقط لرؤساء اعضاء مجالس ادارات الشركات
ومو اي شركة لازم يكون راس مال الشركة 100 مليون او اكثر

ومرات تصير عروض ازياء في النادي وكل يوم الصبح مع دخلة الموظفين تشوف المدلكات الروسيات والرومانيات واهم داخلين دوامهم
شي جدا صحي وجميل

nEo said...

حمدالله عل سلامة يا صاحب


موضوعك قاعد يدحض اشاعات عديدة

قالوا كلب !! قالوا صاله قمار و قالوا شغلات ما تنقال


:\


مشكور بوست جدا موفق

7aMaDeNoo said...

6ala3t tesma3 7ag el me6ref ;p

Almas said...

Chairman Club

..........
..........
..........

الله ... أبي

يعقووبوو said...

بس 3000؟
يعني 250 بالشهر
إلي معاشه 1000 يقدر يدش واهو راهي
---
إلي سمعته يقولون لازم تكون تاجر ومعروف
وو زقرتي
والباجي مو مهم

As YoU LiKE said...

دقوا علي بس كنت محوله مس-يو، دقيت على الرقم وطلع لي واحد قالي "راحت عليك .. "
==
بالنسبة للنادي، سمعت عنه، بس سمعت ان النادي رايح فيها، يعني سوالف وازد مو زين ..