Friday, April 06, 2007

تعبت

تحديث
*
*
عرض كامل لندوة التحالف الوطني الديموقراطي عن الحريات و المادة 36
*
*
أشعر بأني استهلكت نفسي تمام في الفترة الماضية, فمن برنامج ديوانية الاسبوع الى تجمع 36 للكويت الى ندوة التحالف و من ثم برنامج أوراق خليجية في الأوربت و اجتماعات مع المجموعة لمناقشة الامور و الاتفاق على الخطوات القادمة

أيضا مسألة كشف هويتي الحقيقية جعلني أشعر بعدم الرغبة في الكتابة و الهروب قليلا الى أن أستقر نفسيا و أتكيف مع الوضع الجديد, فبين يوم و ليلة أصبحت مشهورا أو أحس اني صاير مشهور – مكتئب الصراحة

عموما , سأهرب معكم قليلا الى تلك الأيام الجميلة , أيام المراهقة سنة 92 , كنت أيامها طالب في الصف الرابع متوسط و كنت هاوي رسم, و الصراحة الرسم كانت هوايتي الوحيدة – الى ان حصلت حادثة جعلتني أتقاعس عن الاستمرار – من الروضة الى الثانوية

و أذكر جيدا أن أحد أصدقائي - منصور- قد قام باهدائي دفتر عليه شعار بورش و قالي ابيك ترسملي فيه و ترده لي, طبعا انا بدأت بالرسم في هذا الدفتر و خشيته عندي و لم ارده له – خل يحللني عاد – و اليوم سأعرض لكم بعض رسوماتي الي تعكس لكم بشكل واضح نفسية أولاد الكويت بعد الغزو

القبّسة, مدري ليش كنت أحبها؟

شعار اولمبياد برشلونة, أيام علي مروي و وبران و الهويدي

طبعا ما يحتاج أشرحلكم عن حبي للجيش الأمريكي و أسبابه

شعار كأس العالم 90, أيام عز مرادونا

فرانكشتين, هذي آخر صورة في الدفتر و لم أكملها

مرة أخرى الجيش الامريكي

لوثر ماتيوس كابتن ألمانيا

وايد كنت متأثر بالنينجا

و دراكولا كمان

هذي الرسمة كانت شبه تحدي بالنسبة لي و حمدالله لا زلت انبهر منها
ليت الشباب يعود يوما, اذا عجبكم البوست سأستمر في عرض رسومات مرحلة الثانوية



54 comments:

bo9ali7 said...

shd3wah ya bo salmah
la tekt2eb wala shay
afa 3alek
ma laha ela rjalha
.
.
o nabi nshoof baji al9war lw sama7t
.
.
3ala fikra men wayhik bel9orah embayn 3alek 6ayb o galbik abyath

As YoU LiKE said...
This comment has been removed by the author.
As YoU LiKE said...

ماعليه يابوسلمى .. هونها وتهون :)

بالنسبة للرسم .. مبدع بس للأسف ماكملت ابداعك بممارسة الهواية وتحسينها !

ياليت تراسلني .. ابي رايك بشغلة ..

Malgof said...

يه يه يه .. والله فنان .. صكيت على ماد ام :)

خووش رسمات والله تونس و تشرح الصدر .. تذكر الواحد بايام حلوه

bo3moor said...

صراحه خوش رسمات

بس نبي رسماتك الحين اذا بالمتوسط جذي عيل الحين اشلون
لاتبخل علينا

bo_sale7 said...

الاكتئاب شي منطقي بعد النشاط والحماس المركز خلال فترة قصيرة
نصيحتي لك اشرب عصير جزر بمعدل ثلاث جرعات يوميا واذا ما راح الاكتئاب غير الى عصير تفاح معتق وانت تدعيلي :)

تحياتي

kila ma6goog said...

أهلا أهلا بالشباب

بو صالح
مشكور يا قلبي و والله مو عن الاكتئاب بس وضع جديد مو متعود علي و مسؤولية أكبر من قبل

و انشاءالله أحط بقية الرسمات و اللي تبين تطور شخصيتي الى الأسوأ

لوول

أس يو لايك
جيك يور مايل

بو عمور
والله كما ذكرت بالبوست صارت فيني دقة خلتني أبطل الرسم و اهمله للأسف, يمكن بعد فترة اذا حسيت بفراغ احاول ارد اتعلم

بوصالح سينير
قال بو صالح و صدق لين قال

أدعيلك بدون لا اجرب العصاير, هالأيام هاب هبة بالشاي الأخضر, يقولون مفيد بس حق شنو؟ مادري

bazoon said...

KM ,,
الظاهر انك دوم مبدع ,, وفي انتظار الجزء الثاني :-))

لا تحاتي انت قدة وقدود ان شاء الله !!

بوسلمى ,,

انعديت جك يور ايميل P:

Ra-1 said...

بيحطون الحلقة :)

{ 13 } said...

لوووووووووول ..عالرسومااااات ..غطيت على شروق :P
عجبتني لوحتك الفنية " القبسة "لووول ..
وبعدين يعني على سالفة الشهرة متضايق من الباباراتزي مثلا ؟؟ ولا متملل من كثر مايطلبون توقيعك ولا الإم بي سي بيسوون عنك برنامج واقعي ..؟ لوووووووووووووووووووول ..
انا سامعه ان بنات الكويت وجزر القمر انعفسو ..ليما شافوك حلوووو ..لوووول
انزين الحين برنامجكم في تلفزيون الكويت بيعرضونه ولا لأ؟؟ وبعدين ايش اوربت واوراق خليجيه ..طالع مع القحطاني ؟؟
عموما اذا حبيتو اني اشوفكم (أنا) بليز ما عليكم أمر بس طلعو في قناة الرأي ..لووووووووول ..قنوات ارضية - فضائية ما اتابعها ..انا حتى الجزيرة والقطريه ما اشوفهم ابدا " عشان الضغط والسكري " والزي منه
ملاحظة صغيرونه :
انت الحين عمرك في أواخر العشرين ؟؟ يااخي شكلك صغيرون ولد سطعششش سنه ..زين ماطاح عقالك ..
:)

Warda said...

nice drawings :)

الحجيه said...

السلام عليكم جميعا

كل مطقوق ما عليه القلق مؤشر جيد بأنك تحسب لكل شيء حسابه والضمير الحي يخليك تحاتي الوضع بالبلد بس الأمل موجود لأخر الوجود المهم الكويت تدوم بالعز والرفعة

أم بالنسبة للرسم مشاء الله فله يبين انك دقيق بالتفاصيل

كل مطقوق مبروك يوم الاثنين حلقتكم ديوانية الأسبوع

ربي يوفقكم جميعا لما فيه خير الكويت و للجميع

queenB said...

Dear,don`t worry its normal have that feeling.just let ur brain relax and will be ok.don`t think too much .and stop judge urself..from ur pic u drawed u are so sensetive and have tender heart.also look neat person and always asking for the best..that what made stress for u!!! god bless u and all ur dream come true!!

Forzaq8 said...

خوش رسمات

سولها سكان اوضح و حطها بـ
deviantart.com

Ra-1 said...

LOL!
شخباري التي شيرتات
إلي عليها الرسمة الرابعة :)

maci said...

yah yah yah
fanan mashallah
lesh shno 9ar w 5lak togaf?
w 7e6 el baji.. 7aram 3ad enk wgaft 7elwen wallah
w slamtk mn el ekte2ab inshallah b3dwenk

عفطي said...

مطقوق:
لا يهزك ريح..كم يوم و تتعود :)

و تسلم إيدك على الرسمات ;p

bo_sale7 said...

الشاي الاخضر زين احسن من الاحمر
بس لا تشربه على معدة فاضية .... حط باالك

TeKana said...

حلو الانسان يكون هوايه والاحلى انه يطورها.. نتمنى نشوف رسوماتك الباجيه واذا للحين هالهوايه موجودة ياريت نشوف رسوماتك الحديثه
والله لا اييب التعب انشالله

بوصالح said...

رسومات جميلة .. الله يوفقك :)

بالنسبة للنفسية إنشالله السفرة القادمة تغير جو و ترتاح شويه .. كسر الروتين حلو

عموماً كل التوفيق لك إنشالله و لاتنسانا

bunaz said...

ردود " الصبايا " زايدة
الله يعين ام سلمى

LiL ALiEN said...

اغلب المشاهير يصير عندهم حالة اكتئاب .. وبعدين ياخذون ادوية مضاده للإكتئاب .. وبعدين يصيرون مدمنين عليها .. وبعدين يحولون على المخدرات .. وبعدين يحاولون ينتحرون .. يا ينجحون بالانتحار يا يفشلون .. نصيحتي لك .. صير مثل برتني سبيرز قرّع راسك وحط تاتو "36" عليه


بالنسبه حق رسوماتك .. حلو ان الواحد يتذكر الماضي .. بس الاحلى ان الواحد يتذكر شلون رسمها .. يعني رسمت أولمبياد برشلونا واضح من شعار الأولمبياد بأن الدوائر مسويهم بإستخدام البـرايه ام منظره

UmmEl3yal said...

I loved the owl :) It's my favoutite animal anyway; a symbol of wisdom and giving in most cultures except in the Middle East :)

Find the "wiseman" in you and don't let the fame get into your head :)

Let me know if you need to explore your feelings further ;)

BTW, I'm always here. I read your posts regularly :)

mishari said...

الصراحة خوش بوست خففت فيه وخصوصا لاعت جبدى من السياسة وكافى السب اللى خذيته من مدونتى بسبة وزير الاعلام طلعوا اغلب المدونين الظاهر عوازم :))))

المهم هواية حلوة وكمل لا توقف انا عكسك تماما ما اعرف ولا شى بالرسم لان انا شفت ايام المتوسطة والثانوية لاعبين النوادى اللى يخلونهم مدرسين البدنية وياهم علشان يضبطونهم هذا انا واحد فيهم

يعنى لا موسيقى ولا رسم

kila ma6goog said...

السلام السلام

طار الاكتئاب عقب فلافل نوارة الأصلي

باك تو بيسكس

بيزون
آي جيك ماي ميل بس ليلحين ماكو شي, تهقين دقة؟

ر 1
أكيد شخباري هالرسمات ملوت قبل خمستعش سنة, حاس اني صج شايب

13
اول شي قولي ماشاءالله مالنا خلق تصكينه عين بعد, ترى نوعي وايد أخاف على عمري

ثاني شي حسب آخر الاخبار ان حلقة د شفيق بتنعرض يوم الأثنين الجاي و حلقة أوراق خليجية تنعرض يوم الجمعة الجاي أو اللي بعده و انشاءالله خلال كم يوم نحطها باليو تيوب

وردة
ثانك يو

الحجية
فعلا الوحيدة اللي لاحظت اللي انا ابيهم كلهم يلاحظونه و هو اني دقيق جدا جدا جدا في التفاصيل و قوة الملاحظة عندي 110% و ما اطوف شي

لاحظي رسمة الجندي الأمريكي الثانية و اني راسمه لابس تي شيرت فري كويت تحت العسكري

كوين
ثانك يو أند يس

انا بيرفكشنست

فورزا
بيه , شدعوة بيكاسو,
انا بس مسويلهم سكان عشان النسخ الأصلية أحس انها قامت تخترب

ماكي
انشاءالله أكتب القصة في البوست الياي أو لمن احط بقية الرسمات

عفطي
مشكور يا قلبي, غيّر نيكك الحين قبل لا تصير مثلي يطلع اسمك و تتفشل لمن احد يسألك شنو بلوغك؟

بوصالح
مشكور عالنصيحة الصحية و عادة اشربه بعج الأكل

تكانة
ماكو شي يديد أصلا من زمان مو ماسك قلم , و على فكرة انا ما اقدر اكتب بالقلم سطر واحد

بو صالح
انشاءالله هناك يكون عندي أكسيس عالانترنت عشان اتابعكم

بوناز
يا معود لا تبطل عينها عالسالفة
:P

ألين
تستغرب لو اقولك ان هالرسمة بالذات أذكرها عدل و اذكر شلون كنت منسدح عالأرض و مركز فيها بنفس يوم الافتتاح مال البطولة , و كانت يمكن من اول البطولات الي فيها بنات مفاصيخ

هالجملة عادي أكتبها و الا المفروض الحين ما اكتب هالكلام؟

أم العيال
هممم أعتقد اني احب البومة لأن أول حرف من اسمي الميم و باللغة الهيروغليفية او الفرعونية كانت البومة هي رمز الميم

سقافة عامة

ميشاري
انا خالط الرياضة بالكتابة بالرسم

و النتائج تبين بالبوست القادم او اللي بعده

حسام بن ضرار said...

ما شاء الله

ملكه فنيه

بدون مجامله اعتقد لو انك مستثمرها زياده جان صنعت لك حضور قوي في الساحة التشكيلية الكويتية


اما عن النفسيات عقب الغزو

ذكرتني والله ياما قزرناها رسمات اثناء الغزو و بعد التحرير

كان الرسم احدى المتنفسات الطبيعية لنا

shakshaka said...

akeed 3ajabnaa elpost wil drawings mashalla eyaninoooon! ent 3la hal fonts ele emsaweehum lazem etsaweelik fonts:P hehehe 3ajebeeen mashalla...!

Brava Valentia said...

sij byi7itoon il 7alqa?

kila ma6goog said...

السلام

حسام
انا زعلان منك يا بو ضرار, وينك مختفي ؟ منو مزعلك؟

شكشكة
والله زين لاحظتي الكتابة لأن فعلا كنت أهتم وايد بالكتبة و شنو أكتب

مذر
الحلقة قاعدين يحطون دعايتها بشكل مستمر على تلفزيون الكويت و كاتبين ان بيعرضونها انشاءالله يوم الاثنين القادم انشاءالله

و أود هنا توضيح ان موقع 36 للكويت سيعرض فيلم قصير فيه لقطات من الحلقة خلال فترة وجيزة بس قاعدين نتأكد من شي و نحطه انشاءالله

لا يطوفكم الفلم و نشكر العزيز كويت فويس

مشكورين مرة ثانية و أفضل ما في الموضوع اننا استطعنا ايصال أصواتنا لأصحاب القرار

لن نسكت و لن تسكتونا

mishari said...

بو سلمى ابيك تقول سالفتك فى برج الحمام مع اليابانيين
بس لا تقول اشدراك
ترى ديييير بالك عروقى بالماى وايب كل شى لى عندى :)))

Soud said...

ما شاء الله عليك رسومات مبدعه :)

mishari said...

بو سلمى ابيك تقول سالفتك فى برج الحمام مع اليابانيين
بس لا تقول اشدراك
ترى ديييير بالك عروقى بالماى وايب كل شى لى عندى :)))

kila ma6goog said...

السلام

مشاري
أعتقد انك مضيع لأني ما رحت برج الحمام مع يابانيين, رحت مرتين مع الربع و مرة ثالثة مع أمريكان بس ما رحت مع اليابانيين

يمكن ولد عمي

سعود
صانك يو

bo bader said...

ما شاء الله عليك
متعدد المواهب
الله يحفظك من العين ويخليك لأهلك ولأم سلمى ولسلمى

هذي ضريبة الشهرة وما تسوي !!

المهم ترجع زي زمان وتمتعنا بمواضيعك الراقية

الكتابة في هذا الوقت أمانة وطنية

والكويت تستاهل أرواحنا مو بس كشف شخصية

بعدين :
Look at the bright side!!

تشرفنا بمعرفتك !!

Ni3Na3aH said...

a7la shay rasmat el ninja wel3yoon ele 6al3a min 7arf el A! la nice drawings bo salma;)

Krakatoa said...

بوسلمى

بلا اكتئاب بلا هباب

مافيك الا العافية لا تقعد توسوس..وبعدين اوربت ماتطلع عندي

اعتقد انك قاصدها علشان مااشوف البرنامج

Almas said...

يا عزيزي لا تشيل هم

وعيش حياتك

ماشالله خوش شي .. رسمات فلة

ننطر الباجي

وقار said...

بوسلمى، لاتحاتي اكل نعناع خالي :p

وكمل الرسومات خلنا نستمتع :)

charisma said...

لا يأس مع الحياة
لا تكتأب والى الامام سر
ومنها لعلى بطريق الشهره مطقوق
:))

والرسوماات اتونس خوش رسم

لا يوقف كمل خل نشوف الفن
:)

كله انسى said...

walla Not bad :)

عندك حس فني ودقه بالرسم

طريقة التلوين في بودرة الألوان الخشبيه والرسومات عن الجيش الأمريكي وطريقة رسم الدبابه وتوايرها ارجعتلي ذكريات

عاد قبل جم يوم كنت اسأل امي عن رسومات الغزو وللأسف تقول قطتهم :(

خوش بوست وبانظار رسومات مرحلة الثانويه :)

Alia said...

توقع لي على اوتوجراف بما انك صرت سيليبريتي؟؟

ولا تكتئب ولا شي .. هونها وتهون

وآنا اقول عجبنا أو لا استمر في عرض رسوماتك

NuNu™ said...

الفنان الصغير؟

KuwaitVoice said...

مطقوق طلعت مدرس لكل المواد ..

كلشي اتعرف ماشاء الله عليك ..

يالله ناطرين رسومات الباقية .. وياريت اتكون راسمني ..

والحلقه عجيبه بس يالله أمرنا لله :(

طائر بلا أجنحة said...

ما أدري ليش أعتقد أني جزء من هالأكتأب
:)

في اخبار حلوة أكلمك باجر و أقولك

سلام

kila ma6goog said...

السلام

شلونكم؟ شخباركم؟ انشاءالله عجبكم فيديو الندوة؟ انشاءالله عجبتكم و انا أدمع و اقول عصبت؟

لول

يبيلنا دورات توست ماستر

سعود
مشكور قلب

بو بدر
والله الشرف لنا يا بو بدر و صدقني محتاجين ناس من أمثالك يكونون حلقة الوصل بين الأجيال حتى يكون التواصل و تبادل الافكار سهل و فاعلي

نعناعة
مشكورة على الملاحظة القوية الي تثبت انك كبرتي الصور مو مثل بعض الناس

كراكوتا
يبا انا يحصلي احد يعزمني على برنامج؟ و بعدين الحلقة عندي و باذن الله انزلها الانترنت بمساعدة الاخوان كوني لا زلت غشيم

الماس
ثانك يو

وقار
يقولون اكو انفلونزا النعناع هالأيام, شهالانفلونزا اللي داشة بأخلاقنا

كاريزما
وقفت و خلصت و غير التواقيع بالشغل ما اعرف امسك القلم للأسف

كله انسى
ذيك الأيام كانت الهبة طريقة تقشير اللون الخشبي و مسح البرادة على الورقة بالكلينكس

أيام

عالية
يعجبني اسلوب نوارة الأصلي في التعامل مع الدلاليع

يجيك الجرسون و يعطيك فرصة كافية للتفلسف بالطلب

أبي صمونة دياي بدون طماط
ابي 2 شوارما بس مع طحين
ابي 3 فلافل بدون خيار
ابي صمونتين كباب مع طماط بدون جرجير

خلصت؟

يجيك الطلب 2 دياي و وحدة لحم و 3 فلافل و 3 كباب و فيهم كل شي

تبي اكل, ما تبي ورنا عرض اكتافك

نونو
أووه كنت من متابعينه لكني لم أؤمن يوما بفكرة عمل طباعة من خلال تقشير المساحة بالموس

مصرف مساحات

انا كنت اعتمد على البيسكس

فويس
و أعرف أدق ناي بعد

لووول

kila ma6goog said...

طائر
على ايدك يا معود

بومريوم said...

هذى ضريبة الشهرة
الله يعينك على المعجبين اللى بيوقفونك بالاماكن العامة

Brava Valentia said...

saba7 il khair



i've watched the interview, with all due respect to other speakers, i find your speech to be the most "touching"

well done!

متفرغ said...

ماشاالله على الانامل الذهبية ....و ما فيك الا العافية .... رجعتني لايام الطفولة الغابرة يوم كنت مثل المسبه اجوف كاس العالم و حزتها كنت احيي فريق افريقي بس ماذكر شسمه ... يمكن نيجيريا؟ .... تسلم على هالبوست :)

Unbreakable Girl. said...

ذكرتني بالذي مضى
كنت راسبة في الرسم قي الصف الثاني الثانوي رغم اني الأولى على المدرسة!
(ثانوية عامة)

كل ما اتذكر انقهر !

بس بقول ماشا الله عشان لا تقول حسدتك

3abeer said...

أحب أطلق عليك لقب ..

أشهر شهير

أو كله مشهور

بدال كله مطقوق

شرايك؟

wakee7 said...

مطقوق

شي شي لازم تغير نكك الى مطقوق دافنشي

Q80-Chill Girl said...

لا لا عيني عليك باردة ماشاء الله

بعيدا عن الغشمره و الله صج عندك موهبة بالرسم :> عجبتني رسوماتك

جانب اخر من كله مطقوق :]

food said...


very nice! I like.