Tuesday, April 24, 2007

My 15 minutes of Fame

الشهرة و ما أدراك ما الشهرة

لا أريد أن أنهج نهج فنانات آخر الثمانينات و أقول بأنني لا أحب الشهرة و لم أسعى لها و هي التي طاردتني الى أن أوقعتني في شباكها, الصراحة أنا من ثانية متوسط و انا أحلم بان أكون مشهورمثل سمير سعيد و صلاح الحساوي

مشكلتي هي أنني لم أتوقع أن تأتي كل فرص الشهرة دفعة واحدة خلال أقل من شهرين, حتى أنني أصبحت المنافس الأول للشيخ أحمد الفهد في عدد مرات الظهور في الصحف اليومية, و مشكلتي الأكبر هي أنني تعودت على أن أرى صوري في الجرائد و أصبحت أتضايق عندما أجد جريدة خالية من صوري

أحس بأني أصبحت سليبراتي و أني محط الأنظار أينما حللت بل و قد بدأت مشاعر الغبن و الحقد تتسلل اليّ عندما أدخل مكان و أحس ان الناس يتجاهلونني أو لم يتعرفوا عليّ, طبعا ماكو أحد ما يعرفني و الأرجح انهم يتظاهرون بعدم معرفتي و عدم معرفة مدونتي

و أزيدكم من الشعر بيت صاير نحيس و حقير مع ربعي المدونين و أتلذذ بتوجيه النصائح المتعالية عليهم و كأنني نابليون بونابارت المدونات , اي فلان اسلوبك شوي يبيله تعديل و فلانة بلوقج يبيله تكثرين صور و فلان روح انتحر أحسنلك

I am Sick and Tiered of seeing my self every where

ديوانية الاسبوع


ندوة 36 للكويت
أوراق خليجية على الأوربت
مشاهدة



حلقة نقاشية حول التنظيم الاداري



جولة اقتصادية في الصين
الرابط

يا جماعة الخير, اذا حسيتوا اني غلطت على أحد منكم أو تصرفت بعنجهية مع احداكن فلا تلوموني لانني أصبحت مريض بمرض الشهرة و تعودت على الأكسترا اتينشيون و الكاميرات , أرجوكم لا تعلقوا على هذا الموضوع و تجاهلوني قليلا عل و عسى أتمكن من الهبوط على سطح أرض الواقع المر و استيعاب أن كل هذه الشهرة هي فقط ماي فيفتين منتس اوف فيم






48 comments:

mishari said...

لووووووووووووووووول
انزين انا رأيى مختلف كالعادة

انا قابلتك وشفتك والصراحة خوش ولد ومحترم ولا فيك غرور بالعكس تواضعك دليل احترامك لنفسك

تحياتى لك يا صلاح الحساوى
وييه
يا بو سلمى

White Wings said...

يااااااااااااااااي
مطقوق، ممكن توقيعك
لندا
;)

Acid said...

I thought you are a myth

wonders.me said...

ماقدر ماقدر اتجاهلك
وصيت على صورة ببدلة
وصورة بغترة وعقال
انشالله ترضى توقع عليهم
ابي احطهم فوق ال
fireplace

The Stallion said...

I want an autograph!

Soud said...

ممكن توقيع, بس ترى ما معاى فلوس ادفع قيمه التوقيع :)

Shopaholic said...

الله يعين أم سلمى على المعجبين

Girl_in_abottle said...

enjoy your 15 minutes of fame
:)

Almas said...

اعتراف شقردي من شخص شقردي

عزيزي مطقوق الحالة إلي إنت فيها حالة طبيعية .. لازم الواحد إييله شعور معين بعد كل فترة أو تجربة بحياته .. فالأمر جدا طبيعي

ثاني شي

مطقوق .. السنين إلي طافت هذي كلها ما يكون لها أثر على الإخوة والأخوات المدونين مستحيل .. أكيد عارفين شنو مطقوق وشخصه فلا يمكن تكون فكرتهم عن تعاملك بالفترة الأخيرة مثل ما سميتها نحاسة .. لأنهم بالأصل عارفين شخص مطقوق

الشي الأخير

الصراحة الأسبوع إلي طاف حست بكل بوستاتك القديمة كنت أدور على بوست جدا أستمتع فيه .. المهم في بوست يتكلم عن المدونات وطرح اسئلة على الأخوة ومن ضمن إجاباتك كانت كالآتي

إنت تتمنى بنيتك سلومة لما تكبر انشالله تقرا كتابات والدهاوالمواضيع إلي كان يتناولها ودفاعه عن قضايا بالحياة .. وهذا مبعث فخر بوالدها

ف الفترة إلي طافت أو الشهرين إلي حصرتهم ب 15 دقيقة .. بنيتك انشالله بيوم من الأيام راح تفتخر فيها
والحمدلله هذا شي حلو

ليش مركز عالأمور السلبية .. مع إني ما ني شايفة لا سلبية ولا عذاريب

تعوذ من ابليس واستهدي بالله

وهذي فترة وتعدي يا شقردي

wakee7 said...

مطقوق
بسنا بسنا أمس طالع لي من الكبت

Ra-1 said...

كشخة :D

متفرغ said...

هههههههههه منور كي ام ..... ممكن توقيعك ؟ :)

ANgEL_BaBY said...

لا ما قدر على الاناقه كشخه كشخه نيهاهاهاهي ممكن اصور ويا البدله :)

عاد دير بالك من البوباراتسي راح يلحقونك من شارع لي شارع ومن داعوس لي سكه هههههه الله يعيينك...

تحياتي لك

نون النساء said...

تابعت الحلقة
على الكويت

:P

من قدك


بس ممكن اتوقع الأوتوغراف

:P

بس ترا الغترة مو ظابطة
بالصورة الثانية لوووووووول

وقار said...

تستاهل كل خير
ومنها للأعلى :)

As YoU LiKE said...

ممكن توقع على غترتي ؟
بدون نشا عشان تقدر تاخذ راحتك بالتوقيع :)

حسام بن ضرار said...

تفكرت في حال الشهره و الاضواء فأيقنت ان الناس في ذلك على حالين:

إما ناس تبحث عن الاضواء

أو ناس الاضواء تبحث عنها




وانت من النوع الثاني يا بوسلمى




موفق يالحبيب

Laialy_q8 said...

LooL
3laik bil 3afyaa since you're a "wildcat" :p

LiL ALiEN said...

ملينا واحنا نشوفك نفس الشكل كل مره .. ياخي غيـّر شوي .. اطلع بنيو لووك

نبيك تكبر براطمك نفس "شيماء علي" وتحط غمازات بيبهتك .. وتطلع بأي برنامج يتكلم عن الكباب

Krakatoa said...

بوسلمى

لاتستانس وايد..المشهور بالكويت ماله قيمه لا اعتبارية ولا فنيه

يعني ممكن اشوف يمي اي فنان مشهور بالكويت ولا يحرك طرطوق اذني

فا لا تعتذر ولا شي..مثل ما انشهرت مثل ما راح ينشهرون ناس من وراك

المهم وهذا الي ابيك تركز عليه مستقبلا ان لا تاخذك الشهره تسحبك بطريجها وتنسى نفسك ويمكن تغتر..مثل ماصار في بعض الناس واخر شي إنسو

اهم شي الكلمه الطيبه وانك ما اتغير على قراء مدونتك

bo9ali7 said...

بوسلمى صوتك حلو؟

في سمرة بكبد كاملة من مجاميعو..بس ناقصها مطرب!!!
.
.
.
متأكد انك قدها وقدود

حمودي said...

تستاهل بس لو شتسوي ماراح تقدر تقايش احمد الفهد :))) املك

بوصالح said...

بوسلمى

بما أني أعرفك زين .. أمون

للعلم انت شخص تعتبر مثال الاخلاق العالية و الرقي .. لإنسان حساس لآخر درجة و وطني جداً

لا تتبع تيار او تجمع بل هدفك هو خدمة الكويت .. و إصلاح بعض مما تستطيع

بوسلمى .. نتمنى وجود أشخاص مثلك .. تمثلون الوجه الحقيقي المشرق لشباب الكويت

إذا كانت هي الشهرة .. فانت اهل لها .. و إذا كانت الصور و المعجبين فأنت على قدر المسؤلية

هذه الشهره .. تزيدك من عطائك .. و تزيد من إنتاجيتك لوطنك العزيز

وفقك الله لما فيه الخير للكويت .. و اتمنى لك مزيد من الشهرة و دوام العافية

ملاحظة : أنت تعتبر أستاذي في التدوين

nachla said...

مشاالله منها للاعلى

وثانوية بنات بعد

هممممممممممم

ممكن اعرف شلون التظيم الاداري مفيد لطالبات الثنوية

وشنو دورك في التوعية بالموضوع ؟

إيكاروس said...

خمسة و عشرين تعليق و الحبيب ما رد على ولا واحد!!0

بو سلمى .. ترى الغرور مقبرة أي مدون!!0

:)

من كل قلبي أقولك.. تراك تستاهل كل خير .. مثلك الواحد يستانس يشوفه و يسمعله..0

بس ممكن توقعلي ..على غترتك إلي بالصورة .. يمكن يوم من الأيام يبيعها حفيدي بمزاد علني في لندن و يربح جم مليون!!0

nEo said...

basaweelek fan site :P

KuwaitVoice said...

عدل يالمشهور ;)

عاد الصج تستاهل .. 24 ساعة تكتب ومليون بوست بالسنة .. ومع كل هذا ماتصير مشهور .. شلون ؟

عاد يقولون السعدون قاعد يحاتي لا اتصك عليه ..

صج ؟

عدل من قدك ما بقى شي واتصير رجل عظيم

Mama Ony said...

You have a very unique persona. Amusing personality, amiable and pleasant character and you top that with the sophistication and complexity your opinions hold.

Fa I guess ur advice ma ra7 etkoon 7aqeera aw na7eesa..

ORACLE911 said...

أرجوكم لا تعلقوا على هذا الموضوع و تجاهلوني قليلا عل و عسى أتمكن من الهبوط على سطح أرض الواقع المر و استيعاب أن كل هذه الشهرة هي فقط ماي فيفتين منتس اوف فيم


بناء على طلبك : لا تعليق

: )

kila ma6goog said...

السلام السلام

أمس كان يوم جدا طويل فمن الدوام توجهت مباشرة الى التحالف للقاء الكاتب الكبير عبداللطيف الدعيج و اللي اتهمني بأني لا زلت اعاني من ترسبات الماضي - يجوز كلامه صح - و من بعدها قعدت بالديوانية الى ما بعد منتصف الليل و لذلك ما قدرت ارد على التعليقات

الموضوع باختصار هو اني اتبع اسلوب الامريكان بأن الواحد يتطنز على روحه قبل لا الناس تتطنز عليه

مشاري
نحن السابقون و انتم اللاحقون

وايت ونجز
لندا تستاهل توقيع على بياض

أسيد
توقعك بمحله

وندر
حط وحدة على الثلاجة و الثانية فوق الجكوزي

لول

ستالون
حاضرين , وينك مختفي؟

سعود
توقيع ببلاش شدعوة مايكل جوردان

شوبا
ضربتي الوتر الحساس

بنت ببطل
thats what i am doing now:)

الماس
بالضبط , اولت كثيرا و انا صغير اني اكتب مذكرة او مفكرة مادري شنو اسمها اللي الواحد يكتب كل يوم شنو سوه و وين راح

لكني فشلت , بس أعتقد ان البلوج أصبح مذكرة بشكل متطور و انا دايما ارجع للمواضيع القديمة و اتسلى فيها , مو بس عندي حتى مدونات الشباب

وكيح
قاعد اشوفك الحين من فتحة التكييف

را1
الصين و ما تسوي

متفرغ
سامع بمطعم حاجي بالبحرين؟؟

الملاك الطفل
أي باباراتسي , توني بغيت انطق بالشارع من شخص ثاير يقولي لا تتعفرت علينا مسوي روحك طرزان

نون
منو يقول القترة مو ضابطة , هذي نسفة عماد السيف

وقار
استاهل انك تقولي ترى القترة غلط قبل لا تصور

أس يو لايك
انا ما اوقع الا على أعضاء جسدية

وين تبي؟

حسام
مشكور يا قلبي بس ما ودي اخيب ظنك أعتقد اني من النوع الاول

ليالي
أخيه ذكرتيني بأيامنا الخوالي و الريكريشيون سنتر

و بيما

انا كنت ساكن بالكومبلكس اللي بساينت ماري اللي يم برجر كنج عند الجيكانوز

ألين
الشفايف ما تنفع , بكبر صدري و بطلع ببرنامج هجومي على النووي الايراني

هذا اللي ماشي هالأيام

كراكوتا
ياخي ليش كله تزف و تحبط؟ تتلذذ بتحبيطي

و على العموم لا تخاف ما اعتقد اني من النوع اللي يغتر و بعدين ان بغيت الصج ترى لا صرت مشهور و لا شي يعني محد درى عني الا اهل البلوجز

بو صالح
حاضرين بس لا تقولي أغني حق راشد الماجد و عبدالمجيد, انا شغل احمد فتحي و كرامة

حمودي
اهو صادني بسالفة الأقصى يناديكم انا الحين لازم ادورلي حملة انترناشيونال انافس فيها

بوصالح
يا قلبي ليش تسوي فيني جذي و الله مو ناقص مدح و معدل الثقة بالنفس ضارب أرقام قياسية

عموما ما عليك زود يالحبيب و تسلم يا قلبي و نشوفك قريبا

نكلة
نجلة
عندهم مقرر تجاري و فيه عن الادارة و انا رحت شرحتلهم عن خبرتي الدارية لمدة الاربعين سنة اللي طافت

فيلكا
اتوقع يبيعها بمزاد دوار الكرد بثلاثمية و خمسين فلس

ملعون راعي المصبغة اقوله حط نشا و يطنشني

فويس
لا تضيع الصقلة

يالله سولنا فيديو ثاني حق اللقطات القوية قبل لا الناس تنساني

نيووو
ليش سايت؟ حط رقمي و خل يدقون

لوول

ماما
لا والله بس مرات احب انتقد لمجرد الانتقاد

بشر بشر

أوركل
مشكور و ما قصرت و أشكرة مضيع الباسوورد مال اسمك القديم

Spontaneousnessity said...

meen salma?

ORACLE911 said...

الكاتب الكبير عبداللطيف الدعيج و اللي اتهمني بأني لا زلت اعاني من ترسبات الماضي - يجوز كلامه صح

ترسبات الماضي ؟

ممكن توضح ؟

As YoU LiKE said...

ماعليك من اتهاماته :)
كمل طريقك ولا تهتم لأحد !

KuwaitVoice said...

مالي خلق

حلقتك سكه ما اتشجع الواحد يشتغل عليها

سويت مونتاج والكل تحلطم (صراحة من حقهم) صوت دايخ وانا حاط موسيقى يكون طالع فيها يعني لوووول

اطالع الحلقه واسمع صوت رسوم متحركة من بعيد ..

بدون خبث said...

بعلق و يحقلك تنغر

محد أحسن من أحد

:)

al_tariq2009 said...

اهاااا عرفت شنو سبب اتصال البعض هالايام والارقام الغريبة الي توصل لي وبصراحة اسعدتني :)


في سؤالين في بالي : ليش أطلع للعلن ؟!

وليش ما أطلع للعلن ؟!


كل السؤالين امتلك اجوبه عليهما لكن حتى الآن ما ترجح لي الخيار الأفضل .

تحياتي :)

kila ma6goog said...

السلام على من اتبع الهدى

سبون
بنتي

اوركل
ما ادري والله شنو كان يقصد و لم أسأل خفت يحرجني و انا حياوي ما احب الاحراج

أس يو لايك
عادي متقبلين النقد و الاتهامات البناءة

فويس
يبا الصوت واضح و ما فيه شي بس انت قصّر عليه وقت اللي احنا نتكلم , يالله عاد لا تتدلع

بدون خبث
بعد قلبي :*

الطارق
لا زلت انتظر جوابك

اولا سأجاوب عن ليش ما تطلع

ما تطلع اذا كان اخفاء شخصيتك يتيحلك كتابة ما لا تستطيع كتابته لو أعلنت عنها

ما تطلع اذا حسيت ان في تناقض بين شخصيتك الحقيقية و بين ما تكتب يعني القراء اذا شافوك بيقولون هذا يكتب هالكلام؟ والله عجيبة

ما تطلع اذا ما تبي عوار الراس و ما تبي أحد يرد عليك و على كتاباتك بشكل شخصي

و الآن ارد على ليش تطلع

تطلع اذا كنت تريد ان تضيف مصداقية اكبر لما تكتب كونك معلروف حالك حال كتاب الصحف

تطلع اذا كنت تريد استغلال الاهتمام الحالي - و اللي يمكن ما يدوم - فيموضوع المدونات و أصحابها فتعطي هالاهتمام حقة و ترضي غروره

تطلع اذا حسيت ان الكل عارف انت منو و انك قاعد تقص على عمرك باعتقادك ان شخصيتك مجهولة

هذا ردي يالطارق و لك حرية الخيار و الاختيار

انا شخصيا طلعت بسبب اني حبيت استغل اهتمام الناس بالمدونات في الوقت الحالي و قلت دام في اهتمام خل نستغله و خل الناس تعرف ان فيه شباب هني قاعدين يشتغلون و يكتبون و الكثير منهم مبدع و يستحق الاهتمام, ما اتكلم عن نفسي فقط لكن اتكلم عن معظم شباب المدونات كون الكثير منهم فعلا فعلا مبدع و يستحق اهتمام اعلامي و تبني الجهات المختصة له و لمواهبه

و شكرا

Papillona ® said...

Ma6goog,
I beat you
I was on CNN ;-)

(still ma a7ib il a'6wa2)

الكويتي الحر said...

مطقوق

ابي اقرأ رايك في موضوع مدونتي
حياك والحاضرين

Judy Abbott said...

تبي الصج انا وحدة ما أعرفك و إذا شفتك بالشارع ما اعتقد اني بنتبه لك







راح المرض و لا اسير نحيسه اكثر؟

حمودي said...

:)))) اي واله صاج

Mozart said...

مطقوق ذكرتني بالسبعينات عندما كان محمود ياسين ياخذ دور البطوله في كل فيلم كانو يقولون لو تفتح الحنفيه يطلعلك محمود ياسين .

اتشاقى وياك بويا :)))))

تحية كبيره لك

--

Shopaholic said...

مو أنا دارية
إهيا أم سلمى شكلها يوحي جذي بس هم يوحي إنها طيبة مو مالت نجرة بس عاد انت لا تمصخها وايد

AyyA said...

بعد من يحاجيك، كبر راسك
And my bad luck is that Burakan had to be here at a time when I had people over at my place, coming to say goodbye. And worse than that is that I had to know about it at the last moment. :(

ButterFlier.. said...

Etha sheftik basawir ma3aak gabel la tenghaar ;ppp

BlogLess said...

أهم شي انك مزيون

لأن هالصفة تشكل 80 بالمئة من الشهرة :)

مبروك وانشالله انشوفك

US PRESIDENT ! :)

kila ma6goog said...

السلام

بابيونا
نزليها يو تيوب

الحر
مستني ردك

جودي
أكثر بليز

حمودي
على شنو؟

موزارت
تحياتي لك يالحبيب

آيا
شروق قامت بالواجب و اكثر
:)

شوباهولك
نو كومنت

بترفلير
تكفة صور خل أحطها يو تيوب

بلوجليس
عطني عشرين الف سلف و اردهم لك اذا صرت ريّس

Dalal said...

You are so brave to admit .. hehe .. just joking

but I admit .. you put it in a funny way :)

http://inspiration-vida.blogspot.com/2007/04/blog-post_05.html

Salam ;)