Wednesday, August 15, 2007

تصخين

شهد الأسبوع الماضي حدث أليم بالنسبة لي و هو أن جهازي العزيز رفع الراية البيضة بعد ثلاث سنوات من العمل المتواصل و قد صرح جهازي بأنه يعلن توبته الى الحكومة و أنه قد تقدم باستقالته لي و لم يمهلني يومين لقبولها
.
طبعا هالحدث الأليم خلاني انتمي لفئة البدون - جهاز - الى أن أجد جهاز بديل يقبل في العمل معي , و تمت عملية البحث و وجدت جهاز الا أنه لم يدخل في الخدمة الى الآن
.
كانت الفترة السابقة عصيبة بالنسبة لمشواري التدويني و خصوصا أني كنت منهمكا في الاعداد و كتابة سلسلة كويت اصلاح كومباني المكونة من سبع أجزاء و قد بدأت الفكرة في امتعاضي من الطريقة العشوائية الغالبة على تعاملاتنا و تفكيرنا السياسي بشكل عام
.
المقالات جاءت بعد فترة قصيرة من الازدهار البلوجي اللي شهدته هذه المدونة من احتفال بعيد ميلادها الثاني الى تدشين العنوان الجديد بو دوط كوم
.
و كانت الصدمة ان سلسلة كويت اصلاح كومباني لم تشهد التجاوب و النجاح المنتظر من الناحية الجماهيرية و لأول مرة كنت أشوف تعليقات تقولي انا ما قريت المقالة بس داش أسلم
.
طبعا هالفشل الذريع أصابني في مقتل و جعلني أمرض و أكشت بالبلوج و أول صورة تعبر عن حالتي بشكل واضح

حالي من حالك
يا هاني شاكر
بعد كل هالخدمة
يكشت فينا الجمهور

المقدم السمحان
فيري بروفيشنال الصراحة
.
فعلا قدر يسيطر عالوضع بطريقة
ذكية و فنية من خلال
اسلوب
.
انتحر جهنم بس بعيد عني
.
و هذا اسلوب عريق في
وزارة الداخلية
.
يا جماعة اللي عنده أحد
مرتاح و مستانس
و يبيه ينتحر
.
ترى المقدم سمحان جاهز

خبر مسخرة الصراحة

.

موظفة سعودية في وزارة الخارجية

ترسل ايميل تهديد بالقتل

للكاتب الجاسم لأنه يهاجم الشيوخ

.

و العذر ان صديقاتها شيوخ؟

.

كوجا مرحبا؟

والله يكسرون الخاطر شيوخنا

ما عندهم أحد يفازعلهم الا هذي؟

و الأم انقذت بنتها و قالت عنها خبلة و مريضة نفسيا

.
أعتقد وزير الخارجية ملزوم يضبط وزارته

بريستيج عالفاضي

طلال الماجد

يشتغل عشر سنين في التلفزيون و ليلحين

ما فهم ان نص اللي معاه نصابين

الوسط الفني و الرياضي

مرتع للنصب و الاحتيال

39 comments:

حمد said...

عزيزي كله مطقوق

تابعت الحلقات الجميلة التي قدمتها لنا بمدونتك الكريمة ولم اشأ التعليق متابعة للحلقات وانتظار اكتمال الصورة .

حلقات راشعة ومجهود جبار وليس لدي تعليق سوى ان ما قدمته يؤهلك لان تكون وزيرا للتخطيط , فإنك والله ستبدع اكثر من وزير التخطيط ورئيسه .

تحياتي

حسام بن ضرار said...

اما الحوار فعجيييييب


صج اسلوب اقناع



:)

ولهنا على تعليقاتك

عودة موفقه

حمودي said...

كبيير

حمودي said...

اما سالفه السعوديه فهيه نكته اذا كانت صج وهم نكته اذا مو صج :)))

Sowhat said...

مادري اذا كان هذا راح يحسسك بالارتياح ولا الزعل بس كنت اقرى بلوقك طول السنة الي فاتت و مارد بيني وبينك اسمي كان معلق و مالي خلق اسويلة اكتيفيشن :) واصلاكنت ناسي الباسوورد

بعدين الواحد ساعات مايرد لأنه يكون موافق الكاتب مية في المية وحضرتك مو محتاج تطبيل :) انت اكبر من جذي

يعطيك العافية و على قولة واحد من الشبب مبدعون الكويت الان كلهم في بلوق سبوت دوت كوم والله لو يسوون جريدة جانمافي داعي اعلانات و تطلع ربحية عالية :)

يعطيك العافية

Bad-Ran said...

لا تقيسها على التعليقات

...............

وبالنسبه لموضوع الجاسم
http://www.alaan.cc/client/pagedetails.asp?nid=3305&cid=17

ButterFlier said...

صديقي

أنت كبير بدون إقبال جماهيري كافي أنا أقرالك

kila ma6goog said...

السلام

حمد
انت عاوز تعمل فيني دقة؟

وزارة التخطيط ايه يا راجل

الوزارة بكبرها كنسلوها

حسام
هلا والله

حمدالله عالسلامة

اي ماشاءالله عليه المقدم اسلوب مقنع يعني ريح الريال و خلاه يشوف الدنيا بنظرة تفاؤلية

خصوصا لمن يقوله ورانا عيال

حمودي
صج يبا صج

و صحفية بعد

صحفية سلاش سفاحة

سو وات
مشكور يا قلبي

بدران
اي يا بدران

خلصنا من وحش حولي

ياتنا

وحش وزارة الخارجية

بتر
الكبيغ كبيغ و الصغيغ صغيغ

بالديسار said...

عزيزي مطقوق

لا يمكنك أن تقيس مدى نجاحك في مقال ما بالتعليقات ولكن بما تحدثه من ردة فعل
أنا شخصياً تحدثت مع اشخاص كثيرين متابعين لك وخصوصا المواضيع السياسية لكنهم ليسوا من نمط المعلقين يعني يقرأ ويمشي

وبعدين الله يهداك انت أشهر من أمينة الشراح على عزها

النقطة الثانية جهازي مثل جهازك وعمره ثلاث سنين وهم هاليومين بدا يقط خيط وخيط
الظاهر صلاحية الاجهزة ثلاث سنوات لا أكثر

كل ما كلمت واحد قال اشتر ماك ... شرايك؟


ودمت بخير

iNoor said...

M7ammad kasser el IBM o get a Mac ;)

LiL ALiEN said...

مدونتك الله يهداك كلا بفلوس .. ابي مره ادش واشوفك حاط اعلان "دخول مجاني" .. وبعدين لو تركب ((ستاتك كاونتر)) وتشوف منو يدش عندك ومنو يطلع .. حدك تتحبط .. وتقرقع بنفس الوقت .. خلها مستوره


بس شفت الكسره المحترمه في المغنيه لطيفه؟ .. لووول ادخلوا حفلتها بعد ماسوتها ابلاش .. وليمن غنت قاموا اطلعوا .. الله يهداها لو منزله عشا كان صار كلام ثاني


بعدين خلك من اسلوب الاقناع عند الداخليه .. الريال يقول حق المقدم ابي اكلم الشيخ مازن .. داقين عليه تيلفون علشان يكلمه .. غلطانين جان دزيتوله ايميل .. انا خابر الحالات اللي جذي الشخص المطلوب يفز على طوله ويركض لي موقع الحادث


كثر من هالبوستات

Ni3Na3aH said...

الله يعينك على فراق جهازك و الله يعوضك بالخلف الصالح
بس اهم شي ان هاني تجاوز الصدمة

و هذا كان بينتحر صج؟؟ الحوار مو مقنع! و لا المقدم قدر يقنعه بسرعة؟؟
"لا يبا انا وراي عيال انزل"
لا تعليق :\

اما عن موضوع الآنسة السعودية.. فبدعت الصراحة
يعطيك العافية
:)

Mishari said...

اولا لازم تعترف انى انا كنت غير
:)
انا كنت اعلق على كل اصلاح كومبنى بقرقة مو طبيعية

بس مو قرقة بدون قراية؟
كنت متابع بجدية
:)

لطيفة شحقة بعد ايبونها يعنى لطيفة الحين والا نانسى عجرم؟

بالمنطق

انزين كاظم اكيد بتخلص تذاكره شوف بس جم عراقى بالاردن

على العموم المسكينة اللى قصوا عليه ودزت ايملات حق الجاسم
اللى لفت نظرى اهيا وامها بالخارجية
ومو كويتين
يالله ارزقنا
بس

مشكور يا بو سلمى
و لا تتحبط

بس يمكن اقدر افيدك بشى
اذا حسيت ان موضوع دسم وتبى الناس تقراه
خله على فقرة صغيرة ما تتجاوز العشر سطور وطول الحلقات واتوقع جذى الناس تقرا
يعطيك العافية

eNTi7aR said...

بوسلمى
يسعدلي صباحك مع مساك اول شي
....
قااتل الله الكسل فيني ..من المشاركه والتعليق ...
...
مثل ماقال "نجيب سرور" "لابي العلاء المعري"
(أنت ماخلفت من شيء لشاعر,اذا تحديت فأعجزت الأوائل,والأواخر وأنا قد جئت في ذيل الأواخر,,فتجاوز عن قصوري)

3AJEL said...

هذا مجرد درس للمغترين بالجاسم

لا يكبر على حسابنا

لان عار دفاعه عن الحرامي لا صق فيه ليوم الدين

واخرتها طلعت سعودية

MANAF said...

يا عمري

الناس ما تبي سياسه

تبي من السياسيين يضبطونهم

وكل اللي تشوفهم يهايطون

بالمجلس وبره المجلس

كلام فاضي

..

وقت الصجيه

ما تشوفهم

..........

لا تتحسف على مجهودك

..

وبعدين

هاني شاكر لازم يتحبط

عمي هذا جمهور قرطاج

ما يجامل

:)

فريج سعود said...

اولا اشتر جهاز جديد يا الجعص (هذي ردا على العن خيرك مالتك ) خاشها بقلبي :)
لا والله اتغشمر وتمون
ثانيا سلسلة اصلاح رائعة وناوي ارد واكملها
ثالثا الي باط جبدي ان سعودية وتشتغل بالخارجية واحنا اذا قدمنا على وظيفة هناك لي قروا اسمك وما عجبهم قالوا لك لا والله تخصصك مو محتاجينة
رابعا هذا السمحان مو هو الي الامريكية بغت تنتحر علشان يعطيها ويهه ؟
خامسا خل طلال الماجد يستريح شوي هو والدغيشم الله يزيد النعمة
سادسا ماكو سادسا

kila ma6goog said...

سلام

ئزايكم؟

بالديسار
انا شهادتي بالآي بي أم مجروحة و لن أغيره

على فكرة آي بي أم باعت قسم الكمبيوترات اللي عندها لشركة صينية اسمها لينوفو, و يقال ان لينوفو ستصبح أكبر شركة مصنعة للكمبيوترات في العالم كونها تتباحث لشراء شركة باكرد بيل

فأنا اتجاهي لينوفو

النور
ما أقدر أخون الآي بي أم

بلاك بوكس

ليل
أهو بعد دعلة , لو قايل بكلم روبي أشرفله , من وين اييبولك مازن الحين

اتوقع لو يايبين مازن جان راميه و قاطه من فوق

نعناعه
أما السعودية هذي نكته , اقزرت عليها امس, سالفتها كلش ما تترقع

اقولبها براسي يمين يسار فوق تحت مو قادر استوعب شنو هالثوارة, كويتيين يداحرون بعض , انتي شكو رازة ويهج؟

و يعني فخر جدام رفيجاتج منتحلة شخصية شيخ و مهددة بالقتل؟

ما تدري ان الريال محامي دولي و مدعوم - بقوة - من عدة أطراف دولية و محلية؟

عاجل
السؤال اللي يطرح نفسه هل ما نثق فيه بكل الكلام اللي يقوله؟

أم في المواضيع المتعلقة بعلي الخليفة فقط؟

أنا شخصيا أعتقد انه من أفضل المحللين السياسيين - الكتاب - في الكويت

يعني افكاره مرتبة و اسلوبه ممتاز بغض النظر عن أهدافه

مناف
انت تدري ان هاني شاكر كان ينافس عبدالحليم اول ما طلع

هاني شكر تاريخ حافل من الانجازات الفنية , كافي ويهه اللي ما تغير من ثلاثين سنة

مشاري
لو مسويهم عشر سطور جان ما اخلص منهم لين عقب العيد

تعرف مرات لمن اكو موضوع براسك و تبي تكتبه عشان تفتك منه و تشيله من راسك مو عشان الناس تقراه

السالفة كانت جذي , راسي متجمد مو راضي يألف مواضيع يديدة لين اخلص من هالموضوع لذلك يمكن لاحظت كنت احطهم واحد ورا الثاني ماكو فجة

انتحار
تعجبني الثقة بالنفس عند بعض الشعراء و الأدباء المعاصرين , يعني أعتقد أننا - كعرب - أحيانا نسرف في تعظيم الاولين الى درجة تقتل طموح و مواهب الآخرين

خير مثال على ذلك قولجي البحرين السابق حمود سلطان

حرق خمس أجيال بعده بسبب احتكاره للحراسة ثلاثين سنة

شكرا

kila ma6goog said...

فريج سعود

شمقعدك هالحزة؟

اليوم خميس قو سليب, انا شخصيا قاعد بروح المقبرة و بعدين الدوام

على طاري العن خيرك ياخي فاجأتني بسالفة يويو, يعني آخر شخصية اتوقع احد يذكرها هي يويو

اتوقع حتى الممثل الأصلع نسى انه مثل دور يويو

مبين عليك ذاكرتك قوية بس اسمحلي

اللي كانت تبيه الأمريكية ضابط ايمه حسين دشتي و توه تزوج قبل كم شهر تلقى عرسه بليالينا بالأعداد اليديدة

ما اعتقد تزوج الأمريكية

أما سالفة السعودية فوالله العظيم بعد 10 دقايق من كتابة التعليق اللي فات أيضا مو قادر استوعب اللي سوته

انا لو منها أهاجر والله , تشتغل بالخارجية و أكيد واسطة الوالدة و رفيجاتها شيوخ و منتحلة شخصية شيخ و مهددة واحد بالقتل و أمها بترقعلها قايلة عنها معقدة نفسيا و مو صاحية

يعني شتسوى عليها؟

سلام

ORACLE911 said...

عزيزي مطقوق

المتابعون لمدونة كله مطقوق يصنفون كتاباته ضمن الكتابات الساخرة والهادفه وهي بحق من أصعب أنواع الكتابات الهادفه الممزوجة بالسخريه والتى تستقطب أكثر عدد من القراء لقراءتها. والدليل على ذلك قلة وندرة عدد الكتاب المميزين بهذا المجال سواء على مستوى الصحافة أو المدونات . وأهم شرط لأستمرار نجاح مثل هذه الكتابات هو التركيز على الموضوع الرئيسي مع الأختصار والأنتهاء بعبارة ترسم البسمة على شفاه القاريءالذي سيتقبل الفكرة المطروحة بالصدر الرحيب

واشعليك يا عم دا الهايبر لنك منور مدونتك و عامل عمايله معاك

مع تمنياتي لك بدوام التوفيق

Almas said...

قوووووووة

هاني شاكر الله يهداه بسه .. أعتقد يكفيه

لكل زمان دولة

ألحين زمن

التنطيط

و

النيو لوك

وحاجات ومحتاجات

شنصويلهم إحنا عايشين بعصرهم لازم نساير الأمور

بالنسبة حق مقالات اصلاح كومباني

آنا شخصيا كنت أقراها

وأعترف ان مستواها جدا عالي

من ناحية تنظيم الأفكار

وترتيب التسلسل والتدرج فيه

وكذلك التحليلات

انت محلل ومدقق ممتاز

كان مجهود كبير منك

ومسألة التعليق عليها

تحتاج إلى سيم لفل أو مقارب لدرجة التفكير

وهالحلقة في أحيان كثيرة تكون مفقودة مو بس مع المقالات السياسية أيضا مع المقالات الإجتماعية .. مع الإقتصادية ... العاطفية .. إلخ

ف سم بالرحمن وتعوذ من ابليس

والله العظيم كانت خوش مقالات

وهذي وجهة نظري في جملتك إلي كتبها عن فشل مقالات اصلاح وماكنت تتوقع التفاعل يكون بهالشكل

آنا ما أعتبر هالشي فشل

بالعكس هذا جانب جدا إيجابي في تاريخ مدونتك

ومع الوقت بتحس فيه

bo9ali7 said...

نفس حالتي بدون..جهاز!!

يبيلنا نقابة

Greata said...

البلوء بتشاعي

ملحوزة واجد صكير :
أنا غيرت عنوان بيتنا في فريج جوجل ..لزوم الأمن ..عاد مو مضطرة أعمل بروفايل في بلوجرز عشان أعلن عن وجودي في عالم الدودنة ..
why ...but whhhhy dont u let the "Others" in ? :'(
ماهو مش معقوله كلكم من آل بلوجرز ؟؟ ماعلينا
وإنت يا تجعيييص* سياسة ولا قاعد تقصقص جرايد ؟ لوووول
بس ماقلت لنا " ماركة " لوبتوبك شنو ؟ وكان شريتلك واحد من

Palmtop :P
وبعدين شنو "قلة " معلقين ؟ مدونتك صايرة كأنها ستاربكس ..كل من يدشها ..حسرة علي وعلى مدونتي حتى قطو مايدشها ..لووووووووول

وزين المنتحر ماتفصخ بس ..الله يرحم الناس ..بس أول مرة أشوف مواتن يبي ينتحر ؟؟ مسكين مرته جننته

وإيش عندك مع **الشيوخ** ؟ هااا ؟؟ تبغي فزعة شيوخ ؟؟ ترووح فيها غوانتينامووو بس فرع فيلكا لووووول ..وبعدين هل كيف سعودية وهل كيف تشتغل في " وزارة " " خارجية " " كويتية " ؟؟ كييييف ؟مادري ليش جا على بالي سعلوة ..لووووووووول..وأتصدق لليوم ماافرق بين الجاسم والصقر ؟؟ أظن الصقر أهو بتاع النيوزويك ؟ صح ؟

وبسني من القرقرررة ..إحممم
:)

Noor said...

سلامتك من الاحباط ومقالاتك عن كويت اصلاح كومبانى ممتتازه جداواعتقد الى علقوا ولى ماعلقو ما يختلفون على هالشى



وبالنسبه الى صار حق طلال الماجد من نصب واحتيال ابى اعرف فيه مكان فى الكويت ماصار فيه نصب ياخوفى من باجر بس

متفرغ said...

جهازي شكله بعد ناوي يحيل نفسه للتقاعد لكن بالمشمش ما راح اقاعده الا السنة الياية .... بطل سياسة شوي و اتجه للمواضيع الخفيفة اللي تتكلم عن مشاكل الناس بس باسلوب حلو و ظريف و شوف الكومنتس راح يصكون ال 100 (اللي يسمع الحين يقول اني مقطع بالتدوين ) .... حادثة الانتحار تصلح تكون مسلسل خليجي ينعرض في رمضان :)

حلم جميل بوطن أفضل said...

بالسلامة إن شاء الله

لا تلتفت الى التعليقات و مسألة الجمهور عاوز كده

خلك من مسالة الشعبية و التقبل

فقط قل أفكارك و ناقش

nEo said...

فراق جهاز لابتوب يعتبر ازمة عاطفية الكترونية

صعبة يا مطقوق


بس الزمن !

ناصر الكويت said...

داش بس اقولك كل عام وانت بخير

wakee7 said...

حبيبي مطقوق
تسخين بالسين
وليس بالصاد

والعوض على الله
:)

kila ma6goog said...

سلام

خسران 4 دوس كوت اليوم

الحالة النفسية أرف

اوركل
توّك تطيح عليه؟

من زمان استعمله او افرط في استعماله

الماس
كنت اقصد فشل جماهيري و ليس فشل انتاجي , بالعكس انا تعبان عليهم و أعزهم

بوصالح
الخبر الزين ان جهازي وصل

الخبر المو زين ان مكان الكارت صغير و لا يستوعب كرت الادج أو الهواوي

قريتا
ماركة لابتوبي

lenovo

it is the company who bought IBMs computers business

نور
كلامك صحيح بس انا من خلال احتكاكي بالوسط الفني و الرياضي شفت ان هالوسطين خرطي بخرطي

النصب ماشي على ودنو

متفرغ
أهم شي الباك أب ياخوي دير بالك

حلم
أهديك المقالة القادمة

نيو
اي والله أزمة , سامعين بوجود كروت جديدة اصغر حجما من الأدج و الهواوي؟ غير الايجو؟

ناصر
كل عام و انا بخير على شنو

تو الناس على رمضان

وكيح
قلطان أخوي

تصخين بالص مو الس

شكرا

Q8ari ® said...

9irt (dot)com! Fancy!!
bes laish com, laish mu net? :P

Om Jaber said...

dammek a7lah min elkanaafah ;)

كلبوزة /13 said...

الصقر مش هو بتاع جريدة الوطن والنيوزويك ؟ وهو الي عمل مشروع النسخة العربية ؟

خليفة علي الصباح منووووووووووووو؟
توني ملاحظة اسمه في المجلة لووووووول
رئيس تحرير ؟؟

bo bader said...

بو سلمى الله بالخير

بالنسبة لموضوعات كويت اصلاح بصراحة كانت ممتازة وانت فعلا كانت تحليلاتك واضحة وصريحة

أما عن قلة عدد المعلقين فأظن لها أكثر من سبب مثل الصيف وناس وايد مسافرة زائد انك ما شاء الله عليك ما وهلتنا!!
نزلت الأجزاء السبعة بسرعة والناس ما مداها تقرأ وتعلق فلا تحاتي
وإذا بتطالع الناس شتبي وتكتب على كيفهم ما سويت شي ولا وجهت المجتمع للاصلاح.
المفروض نقود الرأي العام ونوجهه التوجه الصحيح مو نخليه يقودنا.

واضم صوتي لربع الماك لأني أستخدمه من 92 وما استخدمت الويندوز وفعلا أنصح أي واحد أنه يحول للماك إلا إنت لأسباب خاصة فيك!!

أما موضوع السعودية الموظفة بالخارجية فعلا شغلة غريبة!
أذكر بالضبط قبل عشرين سنة قدمت للخارجية مستانس اني خريج لغة انجليزية ( مين قدي ) ولليوم ما ردوا علي!
وعينوا ناس أعرفهم خريجين جغرافيا والله!

شلون معينين سعودية في وزارة الخارجية الكويتية ؟
مع كل احترامي للسعودية بس أكو موظفين كويتيين في وزارة الخارجية السعودية!!

فراوله said...

مساالخير والكرامة
ابوسلمي
العزيز
اول شي لاتحسف علي مجهوداتك اللي سويتها
لانها كلها فيها فوائد كثيرة لك ولنا
وبالنسبه للفشل اللي صاب بعض الفنانين بحفلاتهم الاخيرة
ياخي خلاص الناس وعت اللحين وصارت تعرف منو اللي يستاهل واللي مايستاهل
بعد
وسالفة السعودية...لاتعليق
بالمره
دمت بحب وود ابدا
:)

D said...

Dear Ma6goog..

I've been reading your blog since your first post I think, which was a poem you wrote about "3aylaat" places and road signs... something like that...
anyhooo, I just wanted to emphasize that comments do not reflect the number of readers..

Kuwait Isla7 Company articles were very good, I read em all..

Now back to the topic.. S3oodiya t7eb leshyookh tgoom etdiz email tahdeed? shal 7achiii .. akhaf bs ma waraaha a77ad

wakee7 said...

لحووول

مطقوق هم تكتب قلطان بالقاف
يبا بالغين
لا لازم مدرس خصوصي

:P

kila ma6goog said...

سلام

كويتري
الكوم أصلها أعرق من النيت

أم جابر
شكرا شكرا

ليلحين ما لبوا طلبج؟

13
الصقر صاحب جريدة الجريدة عدو الوطن اللدود

بو بدر
كلك نظر و تدري بالظروف , بس ما يندرى احتمال في يوم من الأيام تدور الدنيا و يسمح لنا بالماك

وكيح
لوول

روح اشرب عصير برتغال و ريح اعصابك , بدلياتك زايدة هالأيام

فراولة
شكرا شكرا

د
ما اعتقد وراها أحد , اهي مسكينة جاهلة و يمكن ما توقعت انهم يطلعونها و نوعها بتخوف الجاسم

عموما أعتقد راح نشوف من هالسوالف وايد و مو بعيدة بيوم من الأيام يتحمس شخص و يرتكب جريمة من أجل التقرب الى شيخ او شخصية كبيرة أخرى

بلشة

عتيج الصوف said...

يا مطقوق مصيبتك تهون انا الميموري طاح عالأرض و مو راضي يشتغل ببساطة 100 جيجا ضاعوا هباءاً

آآآآآآخ
على العموم..لطيفة و الوسط الفني غاسل ايدي منهم و طلال الماجد مبتلش بعمره مره يشتغل بمطعم شورما و مرة مذيع و مرة موديل
الله يعطي و ياخذ


اللي يبي ينتحر الصراحة وايد عطوه ويه منذ تغطية وجه بالشماغ مبين ان السالفة استعباط و مجرد سبق صحفي
المفروض من الداخلية تكشت بالسالفة بدون ما تفضح نفسها بتصرفات ضباطها الميانين


و البعابيع بالديرة زادت حتى اصبحت بعابيص فكرية تغتصب عذرية الحرية و الوطن
تحياتي لك يا مطقوق و طول عمرك كبير حتى من بدون كمبيوتر قلمك يلعلع بين الكبار :)