Thursday, March 27, 2008

امسحها بويهي

.
الكندري
.
و بريهتك
.
و نجوم مستويه على جتفك
.
و العلم المرتز على صدرك
.
امسحها بويهي
.

44 comments:

حسافتج يا كويت said...

الريال ما قصر

Q8Sky said...

ادى الواجب ويشكر .. وغيره يتطاول على القانون فلابد من ان يكسر

mantovani said...

و الله عيب

f7ee7eely said...

Yesterday, I truly wished I was a member of the Special Forces...............ta7eyyyah lel kanderi

It seems that they cant locate the rubber bullet that has hit mubarak 9naide7 in the back !!!! hmmmmmmmmmmmmmmmmmmm? LOOL

Judy Abbot said...

همممم اشصاير؟

Noor said...

صج لقالوان لم تستحى فأفعل ما شئت


اقل ما ينقال عنهم همج

MARSHAL Q8 said...

ان اكرمت الكريم ملكته .. وان اكرمت اللئيم .. تمردا !

Bad-Ran said...

لازم يرفع قضية ولا يقدم شكوى .. هالهمجي ما يصير يطلع من السالفه

Kuwaiti said...

أنا أدعو الكندري الى تدريبات الأيكويدو. لاعب الأيكيدو يستطيع التخلص من هذه المسكه بأقل جهد و يستطيع كسر كنف هذا الشخص وكسر مفصله بكل راحه. لو كنت مكان الكندري كان احط البسصطار في فم هذا الغوغائي. وانتم بكرامه

Om Jaber said...

min al7een a3lenha hathy THE BEST PICTURE fy 2008 ;p

وقار said...

May God drop their luck. :P

A3sab said...

خبز خبزتيه يالرفله... مو بس اكليه... قِِصّي فيه

kila ma6goog said...

يا جماعة انا كلش مو حاقد او ناقم على هذه الفعلة

و لكني فعلا أشعر بالحزن و الأسى ان نصل الى هذه المرحلة من عدم احترام القانون و افتقاد الحكومة و وزارة الداخلية من خلال رجالها للهيبة اللي تخلي شخص يتجرأ و يزر عقيد و قائد قوات خاصة بهالشكل

اللي صار ما كان شيء صدفة , هذا نتيجة تراكمات سنين من الاهمال الحكومي للاعتناء بأفرادها و تدريبهم بشكل جيد للحفاظ على هيبة القانون و الزي الرسمي بشكل لائق

الموضوع يحتاج الى وقفة طويلة لوزير الداخلية و يشوف كيف سيعيد الهيبة الى الدواة من غير طق و مسيل الدموع

شكرا

Mozart said...

hava nagila hava nagila hava ...

العرزاله said...

بوسلمى

زين اني لقيت احد منتبه لهالملاحظه عدل مثلي

انا من يومين ضايق خلقي وانا اشوف الصوره واقول للي حوالي

يا ناس ياعالم انسوا كل اللي صار واسبابه

عقيد..لا وبالقوات الخاصه..ينزر جذي؟
لو ملازم او ملازم اول او ختى رائد؟
لو شرطي عادي؟
وصلنا لمرحلة عقيد؟!!

والله والله والله انها مسخره وحكم الغاب

مُحَسّدْ said...

هذا الهمجي متأكد انه راح يطلع لو

حجزوه , لأنه معاه

خالد العدوة

سعد الشريع

غانم الميع

صنيدح العجمي :)

علي الهاجري

عبدالله راعي الفحماء

Amethyst said...

7allaaa;\

raed said...

عندما تكون المشاعر مشتعلة لا تتوقعوا المثالية في التصرف مع أي مسؤول حتى لو كان وزير أو رئيس

الذي يستحق التعجب والأسى هنا ليس هيبة الدولة ولكن طريقة تصرف رجالها! لماذا الإحتكاك المباشر بالمتظاهرين بهذه الصورة من دون أي حماية أو خوذة أو بطيخ؟

وهذا يثير سؤال مخيف هل الدولة قادرة على التعامل مع الأزمات الأكبر وإدارتها بشكل إحترافي؟

Eng_Q8 said...

ليش الي على اليمين وايد شاد حيله

مطقوق دش عندي وشوف المهزله الي صايره الحين

Dr. Orange said...

بو سلمى
اللي حصل خطأ من الكندري، شلون؟
أولا : آمر القوات الخاصة شكو يروح يتفاهم مع الجمهور؟ أكيد راح يستفزهم، المفروض أحد من القيادات الأمنية المعنية أو من المباحث الجنائية يتفاهم مع التجمهر، مو آمر القوات الخاصة!!
المفروض شغله يصف القوات الخاصة ويحط حواجز وينطر الأوامر يالتدخل اوالانسحاب، مو يتليقف على المتجمهرين. ويتوقع منهم يبوسون راسه مثلا!!
بعدين في معلومات انه استفز المتجمهرين ببعض الكلام غير الموزون خلاهم يتهجمون عليه!
المفروض الكندري يتحاسب على طفاقته واستعجاله!

موضوع مثل هذا كان لازم يدار بحكمة، والقوات الخاصة تكون الملاذ الأخير مو الأول!!

بعدين هذي الناس اللي تجمعت ما كانت لها نية التخريب أو الاعتداء على الأمن، واضح انها تحركت نتيجة استفزاز، أو قلة تحركوا نتيجة استفزاز وجنوا على الباجي، مو معناته انه اللي سووه صح،

لكن حسب معرفتي بأبناء القبايل، لو كانوا ناويين على الشر جان صار شي ثاني،
لو ناوين على الشر جان شفنا على الأقل عصي وسيارات ، ويمكن سلاح، لكن كان واضح ان الموضوع مجرد مظاهرة سلمية انتهت الى ما انتهت اليه بسبب ثوالة وطفاقة واستفزاز رجال الأمن من القوات الخاصة..

الفحيحيلي:
الرصاص المطاطي ، من اسمه ، صعب انك تلقاه بأجسام المصابين لأنه يضرب الهدف ويرجع ما يخترق الجسم عادة،
مع انه أحيانا يخترق من مسافة معينة، وأحيانا اذا أصاب أجزاء معينة من الجسم من مسافة قربية ممكن يقتل!!

لكن حتى لو لم يخترق الجلد، الضغط اللي تسببه الضربة داخل الجسم حتى لو كان أقل خطورة نسبيا من الرصاص العادي، الا انه يظل خطير،
واستعماله غير مبرر ودليل على تعسف القوات الخاصة وأخذ عقيدهم الموضوع بشكل شخصي، لهذا يجب أن يحاسب

nEo said...

مسكين

ما يستاهل

aziz said...

اوووخخخ

انا ياي ادورلي بلوج بتحلطم على القوات الخاصه والمهزله اللي صارت... بس عقب ما شفت هالصوره... بصراحه انصدمت... واللي سووه القوات الخاصه جد شويه. شنو هالمسخره؟ هاللي تال هالعسكري من هدومه جذي اقله يروح سجن اهانه عسكري بعمله، اهانه الزي العسكري الكويتي، واهانه لعلم الكويت اللي على زي هالعسكري. والله مسخره

aziz said...

على فكره، انا اتفق100% مع الاخ Dr. Orange

والرصاص المطاطي تغير عن اول والحين شكله مثل كيس السكر
http://www.office365.co.uk/im/pim/374361.jpg
وهذا لايمكن انه يخترق الجسم لكن طبعا يحدث ضرر كبير

kila ma6goog said...

د برتقال

و الآخرين

انا شخصيا آخر واحد يدافع عن وزارة الداخلية و آخر واحد يقول ان هالوزارة ماشية عدل و لكن , و بغض النظر عن موضوع الفرعيات او غيره

من شفت الصورة و انا متعومس , بغض النظر منو الماسك و منو الممسوك و بدون لا اشوف التفاصيل , الصورة مؤذية جدا و مؤلمة جدا جدا

انا اكثر واحد يكره القوات الخاصة و تعاملهم الهمجي مع الناس و مجربهم بأكثر من موقف الا ان هالصورة آلمتني

موضوعي ماله علاقة بالفرعيات فالفرعيات موضوعها أعقد من جذي و لكن شوفوا الصورة بتجرد , ما تعور القلب؟ ألا تشعركم بالاهانة؟

شكرا

فتى الجبل said...

الكويت اهم من القبيلة والطائفة
وهالناس اللي مو محترمة لازم يحاكمون
والله يلعن اي شي يكون فوق الكويت ودستورها

Dr. Orange said...

بو سلمى

you shouldn't judge it beyond the circumstances,

لازم تعرف السياق عشان تعرف ليش طلعت هذي الصورة

وجود الضابط آمر القوات الخاصة عند المتجمهرين واحد من اثنين:

اما أن المتجمهرين وصلوا له، وهذا مستبعد الا اذا حضرته جاي بروحه بدون قواته حق الموقع. أو ان القوات الخاصة رداية ما اقدروا يحمون آمرهم؟



أو انه صاير فيها عنتر ورايح لهم بروحه، وهني يستاهل اللي يحوشه حتى لو ما استفزهم، وشلون لو استفزهم؟ اللي حصل انه كان يستفزهم بكلامه وتعامله الفوقي واستحقار الجمهور، وهذا اللي صار له ردة فعل.

aziz
الرصاص المطاطي اللي استخدموه المفروض انه من النوع اللي يطلق على الأرض ليرتد على المتجمهرين، مو أكياس سكر، لأنه فعلا أدى الى كسور في أحد المصابين
أو انهم صوبوا مباشرة وهذا خطر جدا وقد يكون قاتل

Maximilian said...

من امن العقوبة اساء الادب

فراوله said...

مساالخير والكرامه
عزيزي بوسلمي
الألم ان هالاشياء اللي قاعد تصير
تصير بالكويت
)::
الله المستعان

حلم جميل بوطن أفضل said...

دكتور برتقال

العقيد لم يواجه هؤلاء الأشخاص في ملعب السيافي أثناء تشجيعهم لأحد المباريات في دورة رمضانية

هؤلاء كانوا يحاولون إقتحام مبنى أمني حكومي لإطلاق سراح أشخاص محتجزين على ذمة قضايا تستند على قانون مقر من مجلس الأمة صدق عليه الأمير و نشر في الجريدة الرسمية

ثم دعك من الصور ، مشهد الجذب عرض في قناة الوطن مرات عديدة. الرجل كان يدعو الشباب الحلوين للتراجع و عدم تجاوز الحاجز الذي يظهر في الصور و لا يبعد سوى أمتار قليلة. الرجل لم يلمس أحداً و كان من الواضح أنه محترف في ذلك. فقد تراجع على الفور حتى لا ينط أحد و يقول ، آي طقني ، بط عيني

الرجل إنسحب على الفور و دعا أفراد القوات الخاصة للتقدم و صد المتجمهرين. و كان أفراد القوة مترددين في إطاعة الأوامر

هذا ما شاهدته و شاهده الجميع. فلا داعي لتحوير الموضوع

حمد said...

كفو استطاع ضبط اعصابه امام تلك الاستفزازات

اموت واعرف منو الهمجي الل كان ماسك بدلته ( بو لحية )

باشـــة الغـــيد said...

مادري وين قاعدين هالبشر !
ناقصهم رشاش ويصيرون بشمرقه !!
شنو هذا ؟؟ الى هالدرجة التخلف وصل

جان زين يلقون القبض على النواب المشاركين .. عشان الكل يفكر ستين الف مره قبل لا يتصرف مثل هالتصرف الهمجي ويضر بسمعة الكويت

والله البعض مو كفو حرية وديموقراطية .. يبي لهم خيزرانه وهراوة على صماخه
صج شي يبط الجبد


الله يساعد اخوانا اللي بالقوات الخاصه هاليومين حاطين ايدهم على قلبهم لا يصير مثل هاللي صار


وانا اقول ليش الغبار مو راضي يفج عن الديره

الله يستر

Kuwait said...

يعطيك العافيه اخوي على البوست ..
تحيه للكندري على ترفعه عن ملاسنة والاشتباك مع الهمج ذول ..
الله يعطيه العافيه ..
اما الاخ دكتور اورينج ..
انت تقول ان ابناء القبايل لو ناوين على الشر جان يابوا سلاح وعصي ..
ليش اخوي انت ماشفت الصخر والعقل والتشابك بالايدي وحتى واحد منهم هو نفسه الي ماسك العقيد كان مثل الثور الهايج بينطحهم براسه وربعه ماسكينه ..
اذا ما شفت الي صار لا تتكلم وتعبر عن راي غير مقنع ..

فريج سعود said...

لا والله غلطان العقيد كان المفروض يمسح بويه بو ليحة القاع
واذا بتقول ما يبي يكبرها انا اقول لك ما راح يشتكي عليه واذا اشتكى بيتنازل

Hasan.B said...

This shows that there is a big difference between normal and "hamaj" people in regards of protesting

Ali said...

شوف النفاق شلون صاير و الكيل بمكيالين لناس تشرف أكبرها و أسمنها و تسوي المدونيين و طوايفهم إلي واضح إن أغلبهم من العنصريين والشيعه و من لا أصل له....يعني قصيتة الموضوع نصين إنتو شدراكم شنو قال هالكندري عشان يبهدلونه بهالطريقه يمكن غلط علي أمه أو علي أهله ولا صارت وزارة الداخلية حبيبتكم و الوزير و النعم فيه لانهم بدو و تكرهونهم كره العمي ..

يعني لمن بهدلو عدنان الخائن و ربعه و الشيعه صارت الوزاره كخه و عوه و غلطانيين و لكن علي البدو زين يسوون فيهم و همج...

ما عليكم شره يالمنافقين

Mok said...

ما ينفع بالغوغائية الا الطراقات

كـــويــــتـــي said...

للاسف تصرفات همجيه
منظر على حمود الهاجري واهو يقول لهم
باجر يطلعون المحتجزين
واهم ماعجبهم كلامه وطقوه
موبس على الكندري
حتى ربعهم طقوهم

Dr. Orange said...

kuwait:
"ليش اخوي انت ماشفت الصخر والعقل والتشابك بالايدي وحتى واحد منهم هو نفسه الي ماسك العقيد كان مثل الثور الهايج بينطحهم براسه وربعه ماسكينه ..
اذا ما شفت الي صار لا تتكلم وتعبر عن راي غير مقنع .."

اي انا شفت الصخر، اللي كان موجود على الأرض مو جايبينه من بيوتهم!!
وهذه ردة فعلهم على التعامل السيء للقوات الخاصة مع الموضوع

أما العقل، فاسمحلي، يعني تبيهم يروحون يحتجون لابسين جينزات ولا casual!
هذا العقال اللبس الطبيعي، اما اللي استخدمه ، ما استخدمه الا بعد الاستفزاز

بطريقة تفكيرك راح نشوف باجر نقاط التفتيش تصادر العصي والسكاكين والعقال لأنه سلاح فعال!!

kuwait:
"اذا ما شفت الي صار لا تتكلم وتعبر عن راي غير مقن"

أما طريقة تفكيرك هذي غريبة، يعني اذا رايي ما يقنعك ما أتكلم!!
يبا اذا كلامي مو عاجبك لا تقراه!!
انت مو ملزوم تقتنع فيه!!
تبي تناقشني فيه أهلا وسهلا، أما تحجر على رايي لا يبا مو بكيفك!

حلم جميل:
منو حور الموضوع؟!!
وادري ان الموضوع ما صار بملعب كرة قدم!!

شالمنطق هذا !!
اذا ما اقدر ارد اتطنز!
هؤلاء كلهم حاولوا اقتحام المبنى؟!!
كلهم!!
مو هذا التعميم و stereotype
اذا كان في مجموعة صغيرة حاولت تقتحم تتصدى لهم القوات الخاصة بمكانها
مو تروح تنهد على الدنيا كلها بالعصي وقنابل الدخان والرصاص المطاطي!!

وانت تقول:
"الرجل كان يدعو الشباب الحلوين للتراجع و عدم تجاوز الحاجز الذي يظهر في الصور و لا يبعد سوى أمتار قليلة. الرجل لم يلمس أحداً و كان من الواضح أنه محترف في ذلك. فقد تراجع على الفور حتى لا ينط أحد و يقول ، آي طقني ، بط عيني

الرجل إنسحب على الفور و دعا أفراد القوات الخاصة للتقدم و صد المتجمهرين. و كان أفراد القوة مترددين في إطاعة الأوامر"

وهذا بالضبط الخطأ اللي حصل
شكو اهو يروح يكلمهم!!
شكلك ما قريت كلامي ، علطول مشيت الstereotype اللي في بالك!!
يكلمهم واذا ما ردوا عليه يهد القوات الخاصة عليهم!!

هذا الخطأ شكو يكلمهم!!

ارجع اقرا كلامي عشان تفهم وجهة نظري،
قبل ما تحكم عليها

AuThoress said...

هذا لأن نسبة كبيرة من "الشعب" ما تعوّد يُطبّق عليه القانون صح، ولأنهم ما يعرفون "أدب" التعبير والتظاهر، كان بإمكانهم التجمّع للمطالبة دون "شوشرة" او ضرب ،او استفزاز للقوات بشكل شخصي او اي احتكاك


المؤسف حقا يا مطقوق، النزاع "هنا" بين المُدونيين بما يخص "الاصل والفصل" لاحظ، لا أحد يقول "كويتيين" الكل يصنّف على اساس مذهب او قبيلة او أصل......

يا جماعة الخير
خلّوا "حب" هالأرض يجمعنا ولأجلها/لأجلنا نعمل بشكل حقيقي


سلام على الكويت

Hasan.B said...

Dr. Orange:

There is something called respecting the law. People are allowed to protest in a peaceful manner. And do not tell me اللي حصل انه كان يستفزهم بكلامه" cause we are not talking about kids here! We are talking about adult people that should have some sort of maturity in their heads!

And furthermore, you were saying: "لكن حسب معرفتي بأبناء القبايل، لو كانوا ناويين على الشر جان صار شي ثاني What the hell does that mean?! Also
اي انا شفت الصخر، اللي كان موجود على الأرض مو جايبينه من بيوتهم!!
وهذه ردة فعلهم على التعامل السيء للقوات الخاصة مع الموضوع

Throwing rocks at the army or police is NOT accepted period! What these people did was certainly way outline and they should be punished. Hopefully one day the will learn the meaning of peaceful protesting!

kila ma6goog said...

ما أدري ليش الموضوع صار فيه النقاش حاد الى هذه الدرجة

ما أعتقد ان فيه احد يختلف على حقيقة و هي ان ما حصل لم يكن نتيجة نفس اليوم بل هو نتيجة تراكمات قديمة جدا منها على سبيل المثال عدة حوادث تهجم على مخافر و ضرب رجال الشرطة لاخراج بعض المتهمين و كلنا شفنا فزعة بعض نواب الأمة في هذه المواضيع

أيضا لا أحد يختلف على ضعف و هشاشة الصورة المحترمة - ما ابي اقول هيبة - لرجال الأمن نتيجة للكثير من الترسبات و التصرفات التي يقوم بها رجال الامن انفسهم

انا اليوم اقول ما فعله المتظاهرون شي طبيعي على معطياتهم السابقة و ما قام به رجال الأمن من الرد العنيف أيضا شي طبيعي لكن في النهاية , في النهاية , في النهاية

الحكم للقانون و القانون يجرم , يجرم , يجرم الاعتداء على رجل أمن اثناء قيامه بمهمة رسمية و اعتقد شلعة الزرار فيها 6 أشهر سجن اذا ماني غلطان

من الأفضل تناسي ما حصل في الاسبوع الماضي و ترقب ما سيحصل خلال الأيام القادمة و هني راح نشوف بشكل أوضح منو الغلطان و اللي يكرر غلطه

بالأخير ارجو ان يكون النقاش بدون حده كون الانتخابات على الأبواب و ادري النفوس مشحونة و القلوب متروسة و سيكون هناك تعمد لتأجيج بعض المشاعر فكونوا حذرين

شكرا للجميع

Dr. Orange said...

hasan b.:

"
Throwing rocks at the army or police is NOT accepted period!"

exactly,

but that doesn't mean you shouldn't have a more balanced view and through all the blame on one side,
police forces were nothing near acting like angels

some people are reacting from their
stereotypical view of tribal people!

بو سلمى:
أتفق معاك 99.9%

عتيج الصوف said...

مــــــهــــزلـــــــــــــــــة

EDariYa said...

الصراحه لما قريت الخبر وشفت الصور بالجريدة وكذلك بالأخبار والله ذكروني بالهند وباكستان اللي على طول الخط طق مطاقق مع الحكومة

وين قاعدين ؟ في شي اسمه فن الحوار والمخاطبة بالحجه والبرهان مو مد ايدك عاللي أكبر منك سنا وله مركزه الأجتماعي يا خي ما وصلنا ككويتيين لهالمرحلة من المستوى ان نتعدى عالقانون ...