Friday, July 04, 2008

يمهل و لا يهمل - 2

عنوان صورتنا اليوم
.
.
لجنة التفاهم مع الجن
.
.
.
بغض النظر عن تاريخنا الطويل مع الينانوه
.
أعتقد أن الوقت قد حان لانشاء
.
لجنة التفاهم مع الينانوه
.
.
مو معقولة أن الانسان و الينانوه عايشين بالأرض من آلاف السنين و ماكو بينهم أي تفاهم مشترك
.
خصوصا و العالم اليوم يختلف تماما عن السابق
.
اليوم صار في عندنا ارهاب
.
.
عندنا ألعاب خلاعية بالبلاي ستايشن
.
.
.
عندنا قنوات تلفزيونية ما لها مهنة الا الفتنة
.
يا حبايبنا يا ينانوه لازم نتفاهم
.
الى متى ما لكم مهنة الا تخريع الأوادم؟
.
أخوي الينّي ,,, اختي الينّية
.
الى متى
.
ما عندكم مهنة غير تبطلون الباب و تسكرون الباب يعني بتخوفونا
.
الى متى ما عندكم مهنة الا السكن في البيوت اللي أصحابها فلسّوا و ما اقدروا يكملونها
.
يعني مو كافي هم القروض و حنة المقاول عليهم , تيون انتوا تزيدون الطين بلّة
.
يا أخوي يا شركموت
.
لي متى حاكرين عمركم بنفس الدور الممل ؟
.
ما تعرفون تمثلون الا أفلام رعب؟
.
ياخي حاولوا تمثلون أكشن , كوميدي؟
.
جرّب نفسك ممكن يكون أفضل لك من الرعب
.
أنا شخصيا مستعد أسخر هالمدونة المتواضعة لحل مشاكل أطفال الجن و معالجتهم نفسيا
.
.
الريال مات و شبع موت يعني كلش ما راح يخاف منكم
.
دود و قبر ضيّج و حر و فوق هذا ينّي متفرغ ياي يزاحمه بالقبر؟
.
نقدر نتعاون مع بعض و مع مجلس الامة و نخصص
.
ملحق في كل بيت لسكن الينانوه
.
بهالحالة ممكن نحل مشاكل الاسكان اللي تعانون منها
.
أيضا ممكن نستفيد من خبراتكم السريعة في التنقل و ننشيء شركة طيران
.
ممكن نستفيد من خبرتكم بالسكن بالجبال و الوديان للكشف عن أماكن الارهابيين
.
تقدرون أيضا تفيدون قضاتنا في دراسة الأدلة في بعض القضايا
.
صدقوني يا اخواني و خواتي
.
الله ما خلقنا بهالأرض بلا سبب
.
شوية تضحية منكم و شوية تضحية من عندنا
.
ممكن نتعاون و نحقق أروع الانجازات
.
أنا شخصيا مغير فكرتي عنكم و متعاطف معاكم من زمان
.
الدور عليكم الآن
.
الكرة بملعبكم
.
يمهل و لا يهمل
.
يمهل و لا يهمل

28 comments:

Salah said...

يمهل و لا يهمل

Laialy_q8 said...

maybe they should start their own blog

ولاّدة said...

رواية غازي القصيبي الجنية قد تفتح لك آفاق لأفكار التعاون بين المخلوقات الأنسية والجنية


تدعو العجائز باستمرار كلمافتحت سيرة الجن: حلل عليهم زادنا وحرّم عليهم أجسادنا

Ms. Baker said...

That was hysterically funny. You are an amazing satirist.

Thank you for making me laugh out loud BuSalma, as you always do mashallah 3layk :)

Eng_Q8 said...

السؤال منو مقرر اللجنه

Mok said...

اللجنة الامنية للمراقبة افعال الجن ضد البشر

why me said...

لوووووووووووووووووووول


امبيه ضحكتني والله



اوكي

انا اول وحده بكون عضوه في اللجنه
لوول

someone_q8 said...

السلام عليكم
احنا خل نفتك من الينانوه اللي عندنا عشان نتحاور وياهم , اخوي بوسلمى اذا تحاورنا وياهم يا يصيرون اوادم او انين زيادة :)

Zombie-Commando said...

كتبت رد شطولة و اخر شي انمسح مادري شالسبب! مدونتك مسكونة يا مطقوق

Shather said...

لووووووووووول

من احلى البوستات صراحه

ارفعلك القبعه عليه

الفنان said...

هههههههه

موضوع غريب جدا
وممتع
اول مر اشوف موضوع بهالفكره

صحيح انه مو واقعي لكنه ممتع

واسلوبك بالترجي حلو



هذي اول زيارة لي في مدونتك واسجل لك اعجابي الشديد فيها

صديقك المدون الفنان
تفضل بزيارتي
www.art3dnan.blogspot.com/

مريم الموعذراء said...

سكنهم مساكنهم

AyyA said...

قبل ان نتحاور معهم يجب ان نعرف من عطاهم الجنسيه و بهذلهم، او الاقامه و شردهم، و هل بينهم بدون؟
;p

Kwaitiyya said...

رئبس اللجنة اكيد النهام والهايف

سمله عليك مطقوق يننوك مجلس الامة شهالسالفة

Mishari said...

لا جنك صلعتها وياهم :)) بس على قولة عيايز قبل انهم يخافون من الحديد علشان جذى الظاهر ما قامو يطلعون حق الناس نفس قبل

ويا سيدي بالاخير الله يسكنهم مساكنهم
لا يصير فيك شى وتعال نراكض فيك من شيخ لي ملا

حــمـد said...

تفاهم معاهم

بس بروحك

:)

Amethyst said...

They should participate in our elections then..

أريج الروابي said...

السلام عليكم
هذا أوةل مرور لي بمدونتك و أهنئك عليها
حقيقة فكرة حلوة لو يصير فيه تعاون بي الانس و الجن
بتنحل كتير مشاكل

G |-| a |) 0 o |2 said...

9a7 ana ma3ak lazem ekon fe ta3awn baina, el 9ara7a mahthom 7ag.hm ma3anna 3end.hm qodrat a7san mena :p

Tekana said...

يماااااااا بوست يخرع

لا تتحرش فيهم لا يطلعون لك صج

سكنهم مساكنهم

MaCHBoS said...

اللهم سكنهم مساكنهم !!

ButterFlier said...

هيهيهيهيه

مزاجك جبار

Kuw_Son said...

ها بشر ؟؟

عسى طلع لك شركموت بعد ما تمسخرت على أهله ؟
:P

White Wings said...

بسم الله
اللهم اجعل كلامنا خفيف عليهم
اشفيك مطقوق، احنا خلصنا من الينانوه الي فوق الأرض عشان حضرتك تستحضر الي تحت الارض؟؟
حرام عليك يا أخي
:))

وقار said...

ما اظن يتعاونون وياهم
الأغلبية العلمانية كاسحة في المجتمعات الجنية
وماراح يعطونهم ويه

Barrak said...

حوووووووووووووش حووووش حووووش

Mr_CHoCoLaTe said...

عسى ما يعتبرون التعاون مع بني البشر ظاهره دخيله هي هي

فكره حلوه

تحياتي

Ω Tranquility Ω said...

مطقوقوووووووووو

توني اشوف الي بالأتاريييييي
ولا فوق جذي الجنوس يذكروني اب ايام شوبيز هههههههههههه

يمهل ولا يهمل